蘇慧音一家年初一同各位讀者拜過年，新年後第一集，當然係全家出動睇樓！
今次佢地唔再係睇細單位，而係走入大埔睇獨立屋。點解？唔係錢多身痕，而係蘇媽媽愛龜情切，因為龜龜大咗冇地方走動，於是想搬去獨立屋，等啲龜龜同狗狗可以日日放電！佢地一家除咗係乒乓世家外，全家人愛動物仲多過愛自己！
不過，啲獨立屋嗱埋都五六萬一個月租，咁點解唔買呢？原來都有段故，話說N年前，曾經兩次賣樓賺過錢嘅蘇家，去到第三間屋，居然要蝕住賣，之後仲錯失埋一次平平地上番車機會。唔知係咪因為咁而「嚇窒咗」，令到蘇媽媽冇乜信心再上車。
經過舊年下半年樓市奇奇怪怪咁，到2022年，作為大淡友嘅蘇媽又會點睇呢？睇樓嗰陣，蘇家姐「開行炮」，係咁寸老豆同Minnie，想知今集又有乜火花？記得留意今集「中原地產特約：蘇Mi點上車」！
#蘇慧音 #買樓 #上車 #乒乓球 #大埔 #落錯車 #香港運動員 #Finance730 #中原地產
▼緊貼最新市場走勢
《Finance730》Facebook
▼消閒生活 時尚品味
《Finance730》Instagram
▼投資教室 專題研究
《Finance730》YouTube
