0
0

唔經唔覺十集嘅《蘇Mi點上車》已經嚟到第八集。之前我哋同蘇慧音一家睇咗咁多間樓,呢集就應觀眾需求,踩上蘇宅睇吓佢地一家生活日常,順便睇吓佢地開家庭會議,傾下住唔住康樂園。

撞啱嗰日工人姐姐放假,當記者以為梗係蘇媽大顯身手啦!原來唔係噃,佢地逢親冇工人,一係就打邊爐、一係就韓燒,再唔係就叫外賣。點解呢?因為作為事業型女性嘅蘇媽,係唔識煮飯架,甚至連洗衣機同飯煲都未搞得掂。至於作為奧運獎牌球手嘅蘇慧音呢?打波就唔駛質疑啦,不過講到煮嘢,佢就認叻咁話,自己係全家煮嘢最叻嗰個。但事實係……大家睇完片再比comment佢啦!

不過,一家人最緊要係有個機會坐低開開心心傾吓講吓,食咩都唔重要嘅。的確,記者陪佢地食咗兩個幾鐘,成家人完全零代溝,三個女人加埋兩仔爺,全程雞啄唔斷,平時一臉嚴肅嘅蘇爸,原來係個冷面笑匠,成餐飯係咁搞gag。

有啲人一聽到粗口就打冷震,不過蘇家一啲都唔mind,仲爆屋企有個粗口王,係邊個?記得收睇今集「中原地產特約:蘇Mi點上車」!

想睇番之前幾集內容,可以去我哋嘅YouTube Channel睇番。

#蘇慧音 #美女廚房 #生活日常 #買樓 #上車 #乒乓球 #香港運動員 #Finance730 #中原地產


追蹤Finance730 動向

▼緊貼最新市場走勢? 《Finance730》Facebook

▼消閒生活 時尚品味? 《Finance730》Instagram

▼投資教室 專題研究? 《Finance730》YouTube

發佈回覆