0
0

玩車是不少男人與生俱來的嗜好,一些小時候買不起、有得睇冇得揸的車,長大後有能力便想擁有,一圓兒時夢。不過俗語有云「喺香港玩車慘過做賊」,駕著愛車出街,不單隨時被執法人員懷疑非法改裝而「勾車」,環保署上月底更大幅收緊入口古典車的廢排檢驗規定,汽車進口業界炮轟當局做法等同將整個行業趕上絕路,不少愛車之人更直指新政策是將港人玩車這項嗜好徹底摧毀。

中古車情意結

Kevin和Goro是典型的Petrohead(汽車發燒友),「細個會去啲車行扮嘢試車,Window Shopping,但係就冇得擁有;90年代,而家啲人覺得中古車嘅時候,當時就係新車。」Goro說。小時候留下的遺憾,成為圓兒時夢的情懷,今日已成為「中佬」的他們迷上玩舊車,機緣巧合下更一起開設了這間古典車行。

他們形容,這盤小生意是「你毒吓我,我毒吓你」之下誕生,「基於經濟問題,又唔可以擁有好多車,就諗既然我已經識得點樣喺澳洲、紐西蘭入啲車返嚟,當地又有朋友幫到手,點解唔將呢件事變做一個生意呢?」

車行由三位合伙人創立,至今開業兩年多,主要營運古典車生意。
古典車不再免驗廢氣出牌

環保署上月發新聞稿宣布,由今年6月1日起,取消古典車輛及個人進口用汽油車輛首次登記時獲豁免受《噪音管制(汽車)規例》及《空氣污染管制 (車輛設計標準)(排放)規例》管制。雖然取消了豁免,但仍能根據相關法例入口古董車與個人進口用汽車,但前提是必須在香港登記前,向環保署提交相關文件證明符合相關規例。

環保署在未有諮詢公眾下,取消古典車輛及個人進口用汽油車輛首次登記時獲豁免的安排。

作為進口商,Kevin和Goro的業務亦受影響,「即係冇得攞環保信啦,變咗20年以上返嚟嘅水貨車,都要做環保報告。」簡單而言,即是要求一位年邁老人做身體檢查,但驗身報告結果卻要反映其身體如年輕人機能般好,人都萬中無一,何況是車?Kevin直指根本沒有舊車可達到標準,「歐盟6C係最嚴格嘅標準;其實都可以話係一刀切地,令到你呢啲20年以上嘅車係無辦法出得到牌。」

特區政府欲逐步淘汰燃油車亦有跡可尋,根據《香港電動車普及化路線圖》,政府已定下2035年,停止新登記燃油私家車的目標,惟今次推新政策並未有事先諮詢業界及公眾,便倉卒發新聞稿,加上對於豁免的解釋含糊,一眾進口商到仍未搞清楚,到底以非個人名義入口舊汽車是否受新政策規管。

現時Kevin和Goro的倉庫約有五十輛古典車,當中近九成尚未出牌,但大部份已經取得豁免信,理論上之後轉售要出牌並不成問題。惟某些進口商手上的舊車或未取得豁免信,亦未趕及在6月14日限期前登記,Kevin指難免對同業造成損失。

環境局局長黃錦星曾在社交平台上回應事件,但言論引來極多負評。
經典JDM或再炒高

然而法例暫時未算全面取締舊車,但隨著經典車供應越來越少,那些年的「窮人超跑」未來只會更遙不可及。如近年已經炒至天價的JDM車款(Japanese Domestic Market),業界普遍相信新政策落實之後,價格會升得更高。

Kevin說:「日本90年代嘅跑車,GT-R本身都已經升咗好多;本田Type-R系列、NSX、富士,有好多限量版近幾年都升好多,如果再出呢條例,嚟緊冇得再入呢啲車,變咗喺香港已經出咗牌、行緊街嘅呢啲熱門車,會再貴啲都唔定。」他指有部份行家手上靚已隨即封盤,待情況明朗化後再決定銷售策略。至於他們車行未來會將業務側重更多於出口及維修方面。

「摧毀咗香港人一樣嗜好」

無生意做事小,最令他們傷心的是政府一句環保,就摧毀了香港人一樣嗜好。Kevin感慨指:「因為你唔喺汽車業搵到錢,你可以做第二啲嘢去搵錢,可以代替到,但係你冇得玩舊車,就係冇得玩舊車。」

「我第一個睇到呢個條例之後,係覺得自己玩車嗰樣嘢慘啲,慘過呢個事業,因為真係難得可以有一個嗜好,喺香港可以繼續玩嘅,連呢個嗜好都冇埋,同埋呢個嗜好唔算特別影響到人,所以我覺得都幾灰;其實呢一個嗜好係唔可以用一個新車嚟replace佢,就永遠只有古董車,先會得到古董車愛好者嘅愛好。」Goro道。

珍藏古典車介紹

00’ SUBARU Impreza STi 旅行版(市價約13至16萬)

Kevin及Goro指市場上的掃把佬多為四門或單門,而這輪是香港較罕有的旅行版。

92’ BMW E30 325i (市價約10萬至15萬)

Kevin說,香港很多車友人追捧這款車,除了喜歡其經典外型,更因為是大家的童年回憶。

95’ TOYOTA Land Cruiser FZJ80(市價約20多萬)

Goro解釋這輛TOYOTA Land Cruiser與一般80系不同,車頭改裝成更舊的60系仕樣,同時能擁有90年代的舒適。

更多精彩影片

星級形象顧問轉行做「漁佬」 成層樓射落海為養本土靚魚︱成功靠自幹︱本土養殖

百萬年薪不是夢?跟爆數Agent返一日工!窺探地產代理業真面貌︱有匙即睇

上天留下的一扇窗︱照顧女兒辭職戶口剩$3,000 靠YouTube爆紅創成人籃球班先河︱Coach Fui


更多最新最熱最有用財經金融地產資訊 請即登記成為Finance730會員

追蹤Finance730 動向 官方網頁

▼緊貼最新市場走勢? Facebook

▼消閒生活 時尚品味? Instagram

▼投資教室 專題研究? YouTube

發佈回覆