0
0

美國掛牌的中概股名創優品(MINISO)回港二次上市,上市編號意外引發Youtuber頻道《試當真》粉絲「認真毛」認真討論《試當真》日後的上市用咩冧巴好。參照100毛母企毛記葵涌,呢個超前討論唔係無可能,不過上市編號有價有市,主板意頭號碼價值至少300萬,游學修睇黎要再努力啲賺錢啦。

吳家忻(Jeannie)因為參選試當真影片《唔通佢有男朋友》而走紅

日前有《試當真》粉絲在Facebook「認真毛」群組發文指:「試當真個上市編號比miniso搶咗」,因為近期正進行招股的名創優品股票代號為9896,而活躍於《試當真》頻道的女藝人吳家忻(Jeannie)以Instagram帳戶@kayan9896而廣為人知。

帖文引發同好圍爐討論《試當真》的上市代號,例如「我諗9896唔會代表到全間公司」、「caca(陳苡臻、Jessica)先係事頭婆喎」、「係都1026(試當真開台日)喇…為講而講」。

目前港交所對新上市公司的股碼代號有既定流程。港交所會先從50個「普通組」可供揀選的股份代號中抽取5個免費代號,由新上市公司選取其中1個;如果上市公司期望得到寓意吉祥的股份代號,就要參加「股份代號慈善抽籤安排計劃」,主板吉祥號碼至少捐300萬、GEM上市公司至少捐200萬,就可以響揀指定上市代號,至於善款就會捐去NGO。

翻查資料,吉祥號碼入場捐獻金額持續上升,例如2019年時主板只需付100萬元,而再早些年更只是50萬元。

公益金就自1999年開始接受吉祥號碼善款,舊年年中就披露,20多年來已經有超過1,000間上市公司買號碼,向合共籌得超過10億元善款,例如網易就為9999(9為長久、久遠的諧音)上市編號花費100萬元。

至於《試當真》網友提及的另一個上市編號「1026」目前由環球實業科技所取用,主要從事自來水供應、物業投資及發展業務,成交疏落,市值僅8.2億元。


更多最新最熱最有用財經金融地產資訊 請即登記成為Finance730會員

歡迎讀者投稿,稿件請投至finance730hk@gmail.com

▼追蹤Finance730 動向 官方網頁

▼緊貼最新市場走勢? Facebook

▼消閒生活 時尚品味? Instagram

▼投資教室 專題研究? YouTube

發佈回覆