「雖然我不是數學家，但這聽起來很不錯對吧」，這則YouTube廣告近日在港台兩地惹起網民討論，女主角Ellen Lin的曝光率更一度直逼Brian Cha。廣告不止引起網民謾罵，內容也惹起爭議，質疑這種行銷方式是否騙局。有本港數碼行銷專家指出，現實中的確有人參加課程後成功創業，又表示網店若使用正確策略，要做到一個月數十萬生意並非高難度。
行銷專家LeadAdds創辦人Day表示，香港亦有相關課程教授如何經營網店，策略大同小異，惟經營網店生意不易，故賺到的亦不是Easy Money，「要諗盤生意係點樣經營，要花時間去搵」。
Day根據自身經驗指出，只要用適合方式去經營，絕對能夠賺錢，因此不能算是騙人，「網店要做到一個月幾廿萬生意其實冇想象中咁難，因為本身購物就係現代人好鐘意做嘅嘢；但係你要長期淨係搵『爆款』產品，然後你要keep住每一個月都搵得到就困難」。
DropShipping ：Amazon一站式幫你存倉收款寄貨退換
Ellen所教的電商營運方法名為Drop Shipping（直運），當中分為數個過程，包括採購、入倉、代包裝及寄貨。
以開設亞馬遜網店為例，商家可於大型採購網如阿里巴巴（9988）旗下的1688及AliExpress，或SaleHoo等網站，選擇適合的貨品入貨，再向供貨商聯絡直接寄到亞馬遜倉庫保管，屆時亞馬遜將會代為保管，隨後即可上架貨品。當有客人於網店下單購買，亞馬遜便會代為包裝及寄貨到客人手上，即使有退換情況也能代勞。
而使用亞馬遜Drop Shipping服務的商戶則需付服務費，以個人帳戶為例，上架一件產品的費用為0.99美元（折合約7.7港元），亦需付8%至15%的成交手續費，價錢依產品而定。客戶亦可轉用專業帳戶管理網店。
| 個人帳戶 | |
| 平台費 | 0 |
| 上架費 | 0.99美元一件（約7.7港元） |
| 成交手續費 | 8-15%，依產品而定 |
| 專業帳戶 | |
| 平台費 | 39.99美元/月 |
| 上架費 | 0 |
| 成交手續費 | 8-15%，依產品而定 |
對於營運Drop Shipping，Day認為香港人非常有優勢，因為香港地理位置鄰近中國，入貨上較方便，「我哋成日都覺得Drop Shipping，好似已經係拎一個平價再賣返出去，其實唔係架，好多時Drop Shipping只係攞一個比我哋平時零售價打咗個折，可能7折。如果你件貨賣得好，你係可以同廠傾價，就唔再係7折咁簡單，如果量數夠大，甚至可以攞到半價、三成之類的售價」。
他稱，由於亞馬遜商戶目標顧客以歐美為主，他們已經習慣網購模式，對產品查詢次數較少，故做生意所需時間和成本較少，也因外國客人不認識港人常用的平價購物網淘寶，變相他們只能習慣上用亞馬遜購物，定價方面能調高價格幅度。
既然港人有先天優勢，惟Day解釋並不代表一定能夠回本，賺錢主要取決貨物類型是否合適，「通常去到11月份嘅時候就有一隻產品—發熱背心，去到呢個時候就會有，或者係有啲產品每幾年都有新嘅樣出嚟，又會有新一班客買，就係整寒背矯正嘅產品」，亦可善用Google、Facebook等工具研究，否則入錯貨品只會虧本。
而Day又提醒商家要注意版權，否則引起法律問題，據亞馬遜提供資料顯示，2021年公司起訴了逾百人於該網站上售賣盜版貨品，較2020年增長300%以上。
「唔好搵個啲知名卡通人物去做，賣俾你嗰個人一定唔會特別同你講係唔係盜版，但你想像下都知道，好難喺一個冇license（版權）比你嘅平台裡面，去買啲license（有授權）嘅嘢喇」Day說。
Drop Shipping 成功兩大要訣
若有意發展Drop Shipping，Day分享了以下兩大要訣：
貼士一：做宣傳落廣告
Day指出，過往太多網店商家抱有老舊觀念，「已經搵到個啱嘅產品，但係仲比一個老舊concept，3000蚊落廣告一個月，或者一萬蚊落廣告一個月」，他認為，Drop Shipping主要靠賣爆款產品賺錢，因此產品若進入爆款期，應該投入大量廣告費宣傳。
貼士二：尋找有能力的長期供應商
而Drop Shipping依賴廠家長期穩定供貨，Day稱：「如果唔係純粹比較幾個供應商邊個平啲，點知佢出嚟產品質素好差，成日都有退貨，或者根本無生產能力，就會好kick住你要去做大盤生意」，故Day認為該尋找有能力的供應商，否則會阻礙業務發展。
更多精彩影片
23歲仔炒幣贏1億 搞會員制$800位月袋40萬 回應教人買Luna批評
內地爛尾樓斷供潮蔓延如美國次按爆煲？施永青：二手樓唔驚︱股壇C見
員工有錢分先會同老細講願景！︱第三講〈主孰有道〉︱施永青拆解孫子兵法
更多最新最熱最有用財經金融地產資訊 請即登記成為Finance730會員
追蹤Finance730 動向 官方網頁
▼緊貼最新市場走勢
▼消閒生活 時尚品味
▼投資教室 專題研究
