施生又中！差餉物業估價署近日公布11月份樓價指數，按月跌幅擴大至3.3%，創十四年以來最大單月跌幅。曾指「財爺唔夠自己貼市」的施永青在今節《股壇C見》預測12月份官方數字會再跌2%或以上，即整季累跌逾8%。不過隨住中港通關有期等利好因素出現，中原地產日前發新聞稿指本港樓在新一年將迎來反彈，被問及「House View」與自己意見不同，身為老闆的施永青笑言中原的特色是自說自話，「我就冇sales睇得咁好嘅，sales好少少佢就容易將佢放大，我就保守啲，先唔好話回升，能夠企穩喘定已經唔錯喇！」那麼小陽春會出現嗎？他認為農曆新年未必會，最快要到…
通關因素在股市率先反映，恒指本周一度重上20,000點大關惟未能企穩，C基金投資總監李浩德指市場資金永遠行先一步，當通關細節一一落實之後往往又會趁好消息出貨，他認為股市下一階段的走向有待「復常」在經濟層面上反映出來，預計新2023年第一季之後才會明顯。施永青亦認同，指中央最新政策是著重穩經濟，惟產生效用需時，「之前俾你扑瓜咗嗰啲，唔係咁易救得生佢；佢（內房）都資金周轉不靈點返嚟啫？」
本節還分析了Tesla近期大跌原因以及2023年的環球投資前景，請即睇片！
＊本節目內嘉賓的言論純屬個人意見並不代表本台立場＊
更多最新最熱最有用財經金融地產資訊 請即登記成為Finance730會員
歡迎讀者投稿，稿件請投至finance730hk@gmail.com
▼追蹤Finance730 動向 官方網頁
▼緊貼最新市場走勢
▼消閒生活 時尚品味
▼投資教室 專題研究
