加拿大和中國本周爆發重大外交磨擦，兩國互相驅逐了對方一名外交官，事件會否繼續升溫？
中原集團創辦人施永青在新一集《股壇C見》指出，單看中加兩國的關係其實意義不大，「呢個世界係冇中加關係嘅，只有中美關係㗎啫…」他遂指自從中美關係惡化，全球兩極對立的格局變得分明，不少與美國關係密切的國家都被迫拖落水，「好似孟晚舟咁，雖然喺加拿大拉，但入加拿大數係無用嘅，加拿大係美國條𡃁，佢都係代理人咋嘛！」
股神巴菲特日前主持旗下投資旗艦巴郡的年度股東會，年屆92歲的他罕有表示「美國經濟盛世可能告終」，施永青認為這與美國在金融政策上的失當，令其他國家受損害有關。施指美國未來能否同時兼顧控制通脹和維持經濟發展令人質疑，多國推動去美元化也是這個原因，「點解唔買美債啫？你個利息都唔係市場利息，如果攞去公開市場賣一定唔係得咁低息，而家係聯儲局撐場掃咗一截先咁低，買美債嘅人咪好蝕底？」施生隨後越講越激動，「如果我做經紀，拍賣嘅時候搵兩個夥記去撐場自己買兩個得唔得吖？佢而家就係咁樣…」
C基金投資總監李浩德在本節還為觀眾分析了「中特估」的前景，下一節有香港持牌加密資產管理公司MaiCapital主管合夥人林俊傑作為特別嘉賓，由他嘗試游說施永青投資加密貨幣，究竟一直不相信用Bitcoin能買雲吞麵的施生會否被動搖？密切留意！
＊本節目內嘉賓的言論純屬個人意見並不代表本台立場＊
更多最新最熱最有用財經金融地產資訊 請即登記成為Finance730會員
歡迎讀者投稿，稿件請投至finance730hk@gmail.com
▼追蹤Finance730 動向 官方網頁
▼緊貼最新市場走勢
▼消閒生活 時尚品味
▼投資教室 專題研究
