0
0
HongKongAd-廣告師-專欄

Dickson 啱啱大學畢業,入咗 Media Agency 做 Executive 一排,嚟緊將會上客 Office 做 Annual Review,雖然佢係新仔但都有機會俾一小部分佢 Present。

面對人生第一次對客嘅 Present,Dickson 為咗準備充足同好好表現,打好晒稿,背熟晒 Slide 同重點,但依然難掩緊張嘅心情。

「明明大學個陣成日Present,但一諗起對客 Pre 依然都係好緊張…」Dickson 唉聲嘆氣咁講

佢大學讀Marketing,成日做Group Project 同 Present,理應係得心應手。

「好驚講講下唔記得咗要講咩或者講錯野,點部署?」

「渣架,其實我到依家 Present 都會緊張,不過冇第一次咁 Panic,你緊張都係想自己表現好啲啫,正常嘅正常嘅」

(Present 緊張但要扮冇事嘅你)

我雖然恥笑佢,但我理解呢個感覺,每個人都需要有自己嘅一套去應對緊張不安嘅情緒。

「或者你換一個角度咁去諗,唔好將 Focus 放係驚做錯野點點點,嘗試去享受下呢個緊張感覺…」

「wtf?」Dickson 一面疑惑。

冇錯,我自己嘅方法,就係 If you cannot beat them, join them, embrace them.

諗返起以前都經歷過唔少「驚爆」時刻:

  • 小學個陣考試溫少咗一課,考試時驚到流晒汗…
  • 考公開試第一科好擔心表現,緊張到肚痛都試過…
  • 大學英文 Interview 食晒縲絲,淆到完整一句SVO都唔知有冇講得到…
  • 工作時要做一啲自己唔熟悉嘅嘢,好怕做錯/做得唔好令人失望…

仲有好多以前緊張嘅時刻,依家回想翻起其實都冇咩大不了,因為我哋已經成長咗,有足夠嘅經驗同能力去應付同樣嘅事或難題,所以每當我需要應付緊張嘅時刻,我都同自己講「要好好享受呢個緊張嘅時刻」

因為當你捱過咗之後面對同樣嘅事時,你就冇咁易緊張,到時可能你就會掛住當初忐忑不安嘅感覺。

唔知 Dickson 最後有冇參考到,可能佢自己聽完後 Figure Out 另一個方法都未定,但如果你暫時未有其他計仔,不妨試下呢招!

【Finance730 專欄作家:廣告師 @hongkongad

鍾意睇廣告但去咗做Media Agency嘅𡃁仔。我會定期分享有關營銷、廣告、職場或相關嘅熱門話題,希望用輕鬆簡略嘅文字帶大家認識更多 Marketing 嘅世界。


更多最新最熱最有用財經金融地產資訊 請即登記成為Finance730會員

歡迎讀者投稿,稿件請投至finance730hk@gmail.com

▼追蹤Finance730 動向 官方網頁

▼緊貼最新市場走勢? Facebook

▼投資教室 專題研究? YouTube

▼消閒生活 時尚品味? Instagram

發佈回覆