萊坊發佈2023年首季《全球樓價指數》報告，分析全球56個國家及地區嘅樓價走勢。由於各國央行都想控制通脹，全球各地嘅樓價都面臨壓力。全球住宅樓價錄得自2015年以嚟最緩慢嘅升幅，56個市場嘅樓價指數年度增幅由上一季度嘅5.7%，跌至最新嘅3.6%。
受通脹影響，土耳其嘅樓價升勢可以話係一騎絕塵，以132.8%嘅年度升幅拋離哂其他市場，位居全球第一。
新加坡成為亞太區樓價升幅最大嘅國家，當地樓價指數喺過去十二個月上升咗11.3%，升幅排名世界第十。新加坡政府為咗壓抑樓價升勢，喺四月底調高咗當地公民購買第二套或以上住宅，以及外國人及公司買樓所需繳交嘅額外買家印花稅稅率。另一方面，新加坡嘅市區重建局都有推出新地皮，希望可以增加房屋供應。
【更多關於樓市的報導】
C觀點｜香港置業負擔冠全球？國際調查機構分析不妥！
2023私樓蝕讓災情｜得寶、蝶翠及嵐山二手輸錢比例超過四成
彭博研究：加息周期下市民寧租不買 啟德新盤發展商大鑊
香港租金與樓價背馳走勢反映用家睇淡後市（施永青）
香港樓價指數按年跌10.3% 近三個月見輕微反彈
香港嘅樓價指數喺過往十二個月錄得10.3%嘅跌幅，同南韓（-15.7%）仲有新西蘭（-13%）一齊排喺榜尾；如果齋睇最近三個月，香港樓價微升咗1.4%。
萊坊董事、大中華區研究及諮詢部主管王兆麒認為，年初通關為香港住宅樓價同成交量帶嚟報復式反彈，但佢相信呢個反彈係短暫嘅，因為現時香港住宅市場仍受高息口環境及大量囤積貨尾量影響而繼續受壓，而樓價表現需要喺市場出現多個利好因素嘅情況下先會明顯好轉。
更多最新最熱最有用財經金融地產資訊 請即登記成為Finance730會員
歡迎讀者投稿，稿件請投至finance730hk@gmail.com
▼追蹤Finance730 動向 官方網頁
▼緊貼最新市場走勢
▼投資教室 專題研究
▼消閒生活 時尚品味
