綠表買家有福了！消息指，房委會資助房屋小組聽日（16日）會舉行會議，議程包括討論租者置其屋計劃回收公屋單位出售安排。合資格嘅準買家有機會可以用$100萬樓下嘅價錢，買到500呎嘅大單位！
房委會之前曾經將經租置計劃回收嘅公屋單位，納入2020/21年度嘅綠表置居計劃同2022年居者有其屋計劃中出售。由於呢啲租置公屋單位頗受準買家歡迎，銷情理想，所以有消息指，房委會可能會喺聽日嘅資助房屋小組會議中建議將計劃恆常化，以加快賣出租置計劃屋邨嘅未售單位。
綠表買家有份 白表人士未必有購買資格
據了解，計劃嘅目標買家為綠表同「特快公屋編配計劃」嘅合資格人士，而現時居於39個租置屋邨嘅租戶，依然隨時可以選擇購買佢哋居住緊嘅單位。不過為咗確保可供編配嘅公屋單位數量，呢個計劃嘅目標買家就未必有白表人士份喇。
居屋2022：$80萬買到500呎租置公屋單位
租置公屋單位嘅一大特色，就係平！睇返居屋2022嘅租置屋邨回收單位價單，樓價最高嘅單位位於黃大仙下邨（一區）龍逸樓高層，實用面積544呎，但售價只係$1,096,500，除返開實用呎價為$2,016，大灣區嘅樓都未必有咁平啊！
如果仲係覺得唔夠抵，沙田顯徑邨同馬鞍山耀安邨都各有一個同樣面積嘅單位，兩個單位嘅售價分別係$888,900同$804,300；有啲位於屯門、元朗嘅租置單位，呎價甚至低過$1,000。所以假如準買家唔介意買樓齡偏高嘅單位，租置公屋嘅價錢真係極具吸引力！
更多最新最熱最有用財經金融地產資訊 請即登記成為Finance730會員
歡迎讀者投稿，稿件請投至finance730hk@gmail.com
▼追蹤Finance730 動向 官方網頁
▼緊貼最新市場走勢
▼投資教室 專題研究
▼消閒生活 時尚品味
