中國商務部等13個部門喺7月12日發佈《全面推進城市一刻鐘便民生活圈建設三年行動計劃（2023-2025）》，提出到2025年，喺全國有條件嘅地級以上城市，全面推動多種類型嘅一刻鐘便民生活圈建設。
計劃提出五大實施重點：系統謀劃設計，優化社區商業布局；改善消費條件，豐富居民消費業態；創新消費場景，增強多元消費體驗；推動技術賦能，提升智慧便捷水準；促進就業創業，提高社區居民收入——簡單嚟講，其實就係希望促進消費同就業。
所謂「一刻鐘生活圈」，講緊嘅係希望居民可以喺「家門口」（5-10分鐘步程範圍內）解決晒購物、餐飲、快遞、維修等基本需要，同埋引進智能零售終端，令消費變得更便捷；另一方面，要喺居民「家周邊」（15分鐘步程範圍內）因地制宜發展文化、娛樂、休閒、社交等可以提升生活質素嘅活動。
咁應該點樣落實相關措施，以達到「改善消費條件」嘅目的呢？商務部嘅公告提供咗非常明確嘅指引，大概嘅內容就係：
📍發展「一店一早」：
將品牌連鎖便利店（社區超市）引入社區，提供列印、代發、收發等便民服務；
構建多層次早餐供應體系，豐富早餐品種，保障居民「吃得好」。
📍補齊「一菜一修」：
支援菜市場標準化、智慧化改造；
發展集修鞋、配鑰匙等「小修小補」於一體嘅社區工坊，明碼標價，提供平價維修服務。
📍服務「一老一小」：
改造社區養老服務設施；
鼓勵建立社區護理站，為有需要嘅居民提供到府醫療護理服務；
發展托育機構，提供不同種類嘅平價托兒服務。
除咗照顧居民嘅生活所需，商務部都有講到要為居民喺社區就業提供便利，打造宜居宜業環境，以及支持自由職業者靈活就業、遠程辦公、兼職就業，同埋會支持高校畢業生創業就業，希望提高居民收入。
中國嘅一刻鐘生活圈 vs. 法國嘅15-minute city
索邦大學教授Carlos Moreno喺2016年第一次提出「15-minute city」嘅概念，後來巴黎市長Anne Hidalgo將呢個理念納入佢嘅競選綱領。同樣係15分鐘生活圈，不過中國同巴黎對呢個概念嘅理解似乎有少少唔同。
巴黎嘅15-minute city，更加似係將生態觀念融入都市開發。巴黎市長宣佈將15-minute city納入施政重點，除咗係希望提升城市嘅生活機能，同時亦考慮到點樣應對氣候變化帶嚟嘅挑戰，例如要推廣低碳交通，提升居民嘅生活質素。其中一個例子就係計劃出資2.5億歐元，用於增設單車徑等設施。
中國嘅一刻鐘生活圈，旨在令生活同消費變得更方便，而巴黎嘅15-minute city，係希望可以改善成個城市嘅環境——兩項計劃分別象徵兩種截然不同嘅生活態度，你覺得邊一個地方嘅15分鐘生活圈更加吸引呢？
有猛人講者 基金經理黃國英 公開最新第四季焦點板塊及投資策略📈
即刻報名💰可享早鳥優惠（HK$300）
仲可以同英Sir現場交流🗣
8月19日 英Sir駕到👉https://finance730.com.hk/shop/
更多最新最熱最有用財經金融地產資訊 請即登記成為Finance730會員
歡迎讀者投稿，稿件請投至finance730hk@gmail.com
▼追蹤Finance730 動向 官方網頁
▼緊貼最新市場走勢
▼投資教室 專題研究
▼消閒生活 時尚品味
