日前接受電台訪問，問減息推動短炒個案回升，是否代表樓市復甦，未等他問完，便一句「車」過去，「你有沒有做功課，人說甚麼你信甚麼，究竟炒風盛還是成交多，不要單看多短炒部份，而是成交有沒有多了先」，他講一手連續有大成交和售罄，反問多少？一客掃7伙，即日百多伙很多嗎，減價才得千多票，好勁，點同以前下下萬多票直接比較，不要那麼快便斷定復常。
最近有老友同老樓感覺差不多，他認為自2024年施政報告撤銷住宅物業「辣招」後，配合美國美聯儲自2024年9月起累計減息150基點，香港樓市氣氛逐步回暖。二手市場短炒獲利交易頻現，吸引市場關注。然而這些短炒多為專業投資者的「表演賽」，散戶應保持謹慎，避開陷阱，其實除了口講樓市回穩但沒有出招，根本放棄救樓市，反問一句「點解要救！」金管局亦警告，美國減息幅度及步伐仍不明朗，市民借貸及投資時須充分考慮利率風險。
短炒多由專業投資者主導，僅是一場「表演賽」，旨在吸引散戶跟風。他們憑藉內幕資訊、充足資金及風險控制策略，以低於市場價購入優質物業，反觀散戶資訊不足，易買入高風險物業，承擔「蟹貨」風險。他強調：「散戶跟風如賭百家樂，贏僅靠運氣。」他建議，無法承受3至5年持貨期的投資者應保持觀望。
換句話說，發展商、代理商和專業炒家來大合唱，有供應商、中介商和零售商合力製造大龍鳯，由唔信做到你信，如果真的好，為何減到見⻣，仲話要加價，加價啫又不是要賣到，這招由97年用到宜家，仲有人信咩，唔好以為大家白痴仔女，唔信自己荷包有多少、只信你們又玩陰招。最近有些傳媒話好多發展商自己都買貨，又唔睇下買完不久，自己便有新盤出，這叫入市咩，這叫做宣傳費，好過賣廣告，大把傳媒跟你癲，連廣告都唔使出，便出現有羊群效應。
出招後又不是排住隊加價，而是一個個減價，魚目混珠般呢頭話減、嗰頭又加番，當市民水魚，咁巴閉的話就豪出500伙，不好每次出少少，自製沽清效應，以前做到一日賣千伙，老樓不相信能力做唔番，看來莫非要長實老大哥出手，來做出萬人逼爆紅館（附近火車站）排場給大家睇。
獨立樓評人 劉兆昌
更多最新最熱最有用財經金融地產資訊 請即登記成為Finance730會員
歡迎讀者投稿，稿件請投至finance730hk@gmail.com
▼追蹤Finance730 動向 官方網頁
▼緊貼最新市場走勢 Facebook
▼投資教室 專題研究 YouTube
▼消閒生活 時尚品味 Instagram
