重開夜市，老樓還人情飯債，但基於恐晚市人流多兼難訂位，故多選擇在六時前開始，兩小時在八時前走人，重有一個原因，便是在八時後坐港鐵回家不用碰上太多回家市民，爭坐車，起碼在車廂內有適當的社交距離。
過去數天，回家時車廂內已開始多人，反映了香港市民亦同老樓的想法差不多，「早食早回家」，因此夜市多只能做一轉、只多兩轉，與以前長期爆滿兼等成個鐘才入坐的隊隊模式不同，或許港人已開始改變出外晚膳習慣，以免聚集人群提高被傳染的機會率。有日搭的士，「的哥」話晚市重開，只係好番少少，唔覺多人搭車，反而的士老闆仲建議早更「直踩」埋夜更，當然車租貴日間少少，反映了夜更的士少人揸，「哥仔你唔覺晚上街上少車咩？」，我答道「少出夜街唔係多留意！」，的哥話即使晚上開番酒吧同埋卡拉ok之類夜店，都唔會多番好多人搭車，何況宜家地鐵多線，由市區返新界都係個零鐘，而且密集班次，因此地鐵搶了不少的士生意。
老樓點解要講這的哥的高見，原因上周去過睇錦上路珀瓏I賣樓，當時正值B段排隊時間，不少市民從尖東站近永安廣場出口，人流一直潮向帝國中心是日登記處方向，由於尖東路段經常擠塞，而且泊位少，自從開了屯馬綫後，幫助了在尖東路面擠塞現象，反映了鐵路模式為港人最習慣的交通工具，現場便有買家指柏瓏I「有鐵路冇得輸」的言論。
唔講遠，講近便有大圍站柏傲莊和黃竹坑站晉環、揚海兩期物業，在開賣時排長龍依然受眾，而後者更得到一批一直以私家車代步多個坐港鐵的富豪追捧，大手購入作長綫收租，證明了「鐵路物業模式」在香港物業發展已根深蒂固，為提高贏面的最主要元素。
鐵路盤受歡迎，不少物業皆搭順風車，以示物業其獨特優質、優勢，如什麼「地鐵零距離」、「三鐵匯聚」、「鐵路一小時生活圈」等等，便注定成必然賣點，縱使不近重鐵站，亦會加近彼此距離，如最近新地兩個新開發區大型樓盤，大埔優景里Silicon Hill和屯門兆康Novo Land，都以未來和現時的港鐵站為主要重心點，先再配以包裝生活概念來賣點，所以尤其是新開發區的物業，沒有鐵路會較為輸蝕。
香港鐵路系統逾百年，而大型集運工具乃近40年的發展，舊鐵路系統的飽和，迎着新鐵路網的開拓，似乎這個鐵路加物業的模式乃香港最合適、最適宜的運作，未來的沙中綫、東涌延綫北環綫等等，把一些未完全開發的土地資源，以鐵路打通天地線，讓全港變作一處無疆界地域，看來未來一段長時間依然是「冇得輸」。
資深傳媒人 劉兆昌
更多最新最熱最有用財經金融地產資訊 請即登記成為Finance730會員
追蹤Finance730 動向 官方網頁
▼緊貼最新市場走勢
▼消閒生活 時尚品味
▼投資教室 專題研究
