樓價直插無反彈，尤以移民盤劈價最深。有九龍灣地產代理門外的「招紙牆」15個放盤之中竟有多達9個標明「移民」，佔比多達六成，該行地產代理接受《Finance730》電話訪問時表示，區內指標屋苑淘大花園及德福花園目前有約兩成放盤的業主有意移民，但「啲客唔洗講都知佢哋係想搵呢啲」，故索性將相關放盤資訊集中展示。
中原地產高級資深分區營業經理范鎮培透露，有意離港的業主是二手市場上最願意減價的一群人，「（叫價）劈得好狠」；相反，隨住樓價調整，部份數年前才入市的業主如今要平手或蝕讓離場，眼見租金未見錄得明顯調整，故減價意願其實不大。
他強調店外張貼的移民盤資訊為真實放盤價，「我咃冇襟低個價」，且旗下代理有求證過業主是否有意或已著手處理移民事宜才標明「移民」，亦從未因而收到業主投訴。目前淘大花園約50個二手放盤裡，有約10個屬移民盤，淘大花園比例亦相約。
對於近期有意撈底的置業人士，亦往往專攻「筍價」移民盤，「梗係搵啲肯劈既業主傾，唔通搵啲貴嘅盤咩」。舉例淘大花園P座低層7室移民盤，實用285呎一房戶，業主最初以430萬元放盤，有傳近日最終減價至395萬元易手，即九二折賣樓。
至於目前待售的移民盤中議價幅度大的要數麗晶花園2座中層C室，實用407呎靚裝兩房戶，最初叫價510萬元，近期減價至470萬元，較同類單位市價500萬元平6%。另外，淘大花園Ｍ座低層1室，實用356呎兩房戶叫價低見485萬元，亦較同類單位市價510萬元平半成。
更多最新最熱最有用財經金融地產資訊 請即登記成為Finance730會員
歡迎讀者投稿，稿件請投至finance730hk@gmail.com
▼追蹤Finance730 動向 官方網頁
▼緊貼最新市場走勢
▼消閒生活 時尚品味
▼投資教室 專題研究
