股壇狙擊手「大劉」劉鑾雄在長達一個半小時記者會上除了澄清呂麗君及蕭若元相關事宜外，更一吐數十年來的「冤屈氣」，主動問記者有否聽過「甘比」母親換腎予他、塞春卷及乒乓波等都市傳說，更將當年報章頭版廣告示愛等流言「攤開黎講」，稱尖沙咀商場The One名稱由來，跟昔日緋聞女友李嘉欣毫無關係。
報恩結婚｜換腎搵個後生啲，點會搵60幾歲老腎？
大劉在2016年時被診斷出急性腎衰竭，其後卻換腎成功，傳言是由他第二任妻子甘比（陳凱韻）的母親在外地捐腎救了，當時更有雜誌用上「甘比得道 全家奉獻助大劉渡死劫」為題報導事件。
大劉今日在記者會指謠言毫不合理，「有人話我點解同陳凱韻結婚，話佢阿媽畀咗個腎我，想去報恩就同陳凱韻結婚。我要換腎都搵個後生啲啦，60歲人仲要搵個老腎去換！……邊個有呢個利益衝突講呢啲野（謠言）」。
登報示愛｜The One係劉鳴煒改嘅！
大劉又提及蕭若元在其節目上指The ONE是大劉的「一生中最愛」，他表示：「我私人從來冇諗過無論大廈名叫做『The ONE』，係我個仔改，第一個英文好『水皮』，個稿係人哋交嚟叫我用秘書去登，借個秘書呃個『老襯』。」
蕭若元日前YouTube頻道上曾指李嘉欣是大劉的「一生中最愛」。事件始於2006年，有「神秘人」在報紙頭版刊登了「Happy Birthday Michele 20.06.2006」，下款寫「With Love, The One」，一直盛傳廣告是由大劉刊登，The One是代表唯一最愛，而尖沙咀商場The One的名稱亦是由此而來。
大劉在今次的記者會上斬釘截鐵表示The one的名稱是劉鳴煒手筆，「我本人，係任何思想、任何環境都冇諗過一個字叫the one」。對於當日的報章廣告，他就解釋：「我個人好肯幫人。當人有啲人想搵老襯，成個廣告板推埋嚟，叫我搵啲秘書去登廣告，我都會幫手嘅。」
在記者會尾聲，他重申「唔想畀人再造謠造非，包括女人好或者蕭才子好，話我躁狂症，又話我最愛就係李嘉欣，The One…唉！」
塞春卷｜我有諗過都絕子絕孫呀！
關於劉鑾雄的流言甚多，其中一個都市傳說是他在福臨門吃飯時，剩下一根春卷，席上有提議找即場女星用下體表演夾斷春卷。
劉鑾雄今日在記者會上主動問記者有可聽聞過福臨門塞春卷及乒乓波的流言。隨後斷言否認事件「我有諗過都絕子絕孫呀！」
他指關於他的流言「乜嘢都有人講」，造謠者是出於妒忌，「我唔係核突佬，唔洗持綜援、多幾個女朋友啲人就唔妥你」，而實際上許多流言的主角是實際上是別人，但流傳下來主角就變成他。
掟支票｜識我嘅人都知我唔帶支票!
劉鑾雄在記者會上提到有電視劇以一則他的傳聞為藍本拍攝。故事是有人跟他一起去旅行，在飛機上得罪了他而遭到斥責，最後他再拿出支票掟到旅伴身上。大劉強調，「識我嘅人都知我唔帶支票，因為簽個名好核突！」
更多最新最熱最有用財經金融地產資訊 請即登記成為Finance730會員
歡迎讀者投稿，稿件請投至finance730hk@gmail.com
▼追蹤Finance730 動向 官方網頁
▼緊貼最新市場走勢
▼消閒生活 時尚品味
▼投資教室 專題研究
