美國國務卿布林肯確定於6月18及19日訪問北京，各界關注他會否與國家主席習近平會面，中美關係又是否短暫降溫的可能？
中原集團創辦人施永青笑言過去一段時間美國已有不同層級的官員表達過訪華的意願，惟中方對此反應一直較冷淡，認為即使今次布林肯成行也「傾唔到乜嘢」，原因在於「美國冇做過啲乜嘢去修好，對中國嘅制裁一路收緊，做緊好多嘢都對你唔友善，咁你嚟到有咩好傾呢？準備埋牙打過呀？」他個人更認為「而家中美關係前所係未有咁惡劣。」
布林肯確定訪華行程之際，中方亦著手救經濟，近期接連有外資巨企領袖訪華，包括Tesla行政總裁馬斯克、微軟創辦人蓋茨在周五亦獲習近平接見，外媒亦傳出中央近期召開一系列會議，就如何重振經濟向商業領袖和經濟學家徵求意見。C基金投資總監李浩德證實了這個消息，「大家聽到新聞話好似好主動好緊急咁搵咗啲生意人去傾，以我嘅接觸都係事實嚟嘅…」他指國內經濟數據在首季季尾轉差，希望透過政策扭轉形勢亦不為奇。至周五，《華爾街日報》報道指中國正計劃推出重大措施，包括計劃新增基建投資及鬆綁樓市政策，又會發行約1萬億元人民幣特別國債。
本節還討論了美國暫停加息的問題，一直認為息口見頂的施老闆為何突然擔心未加完呢？立即睇片！
＊本節目內嘉賓的言論純屬個人意見並不代表本台立場＊
更多最新最熱最有用財經金融地產資訊 請即登記成為Finance730會員
歡迎讀者投稿，稿件請投至finance730hk@gmail.com
▼追蹤Finance730 動向 官方網頁
▼緊貼最新市場走勢
▼消閒生活 時尚品味
▼投資教室 專題研究
