財政司司長陳茂波月初喺立法會財經事務委員會會議時講過，政府會考慮進一步放寬首置自住買家按揭成數比例。波叔喺尋日（25日）補充，目前正同金管局研究微調放寬按揭成數安排，之後會公佈詳情。
波叔尋日接受電台訪問嘅時候，被問到係唔係可以再放寬首次置業人士嘅按揭成數比例，波叔表示正在同金管局研究緊有關措施，目標係幫助置業自用人士，包括想換樓嘅市民，仲用「微調」二字形容相關政策。
波叔指出，現時中小單位按揭成數已達九成，佢認為呢個比例已經「差唔多」，但有市民可能因為家庭需要而希望樓換樓，政府會喺平衡金融安全同保障首置業主利益嘅前提下，考慮喺按揭成數上為想換樓嘅市民提供協助。
依家換樓有咩限制？先賣後買 vs. 先買後賣
如果想換樓嘅業主選擇「先賣後買」，即係喺買樓嘅時候，手上已經冇持有任何物業，咁業主就符合首次置業資格，除咗可以按比較優惠嘅第二標準稅率繳交印花稅，仲可以以首置身份申請90%按揭保險。
但「先賣後買」就唔係咁容易，業主唔止要考慮原有物業嘅價格變動風險，時間上仲要做到「無縫接軌」，稍有差池就要另外搵地方暫住，可能會搞到嘥錢、嘥時間、嘥心機。
如果因為未嚟得切賣樓而要「先買後賣」，合資格嘅業主只要喺買入新樓後嘅一年內賣出本來持有嘅住宅物業，都仲有機會向稅務局申請退還新舊印花稅差額。不過由於業主喺買入新物業嘅時候唔符合首置資格，所以冇辦法按照首置按揭成數借盡9成，置業成本大幅增加可能會令有意換樓嘅業主卻步。
更多最新最熱最有用財經金融地產資訊 請即登記成為Finance730會員
歡迎讀者投稿，稿件請投至finance730hk@gmail.com
▼追蹤Finance730 動向 官方網頁
▼緊貼最新市場走勢
▼投資教室 專題研究
▼消閒生活 時尚品味
更多最新最熱最有用財經金融地產資訊 請即登記成為Finance730會員
歡迎讀者投稿，稿件請投至finance730hk@gmail.com
▼追蹤Finance730 動向 官方網頁
▼緊貼最新市場走勢
▼投資教室 專題研究
▼消閒生活 時尚品味
