英國高等教育調查機構Quacquarelli Symonds（QS）世界大學排名2024出爐，香港共有7間大學上榜，但除咗香港理工大學之外，所有上榜院校嘅排名都大跌，傷得最重嘅香港科技大學直頭跌出Top 50，排名由第40位跌到去第60位。
同往年唔同，今年QS引入咗「可持續性」、「就業成果」及「國際研究網絡」三項新指標，為全球104個地區嘅1,500間院校評分。不過香港嘅大學喺國際研究網絡方面分數整體偏低，最低分嘅院校甚至得1.1分，影響整體排名。
本地大學排名一覽
上年第21位➡今年第26位
（🔻下跌5位）
上年第38位➡今年第47位
（🔻下跌9位）
上年第40位➡今年第60位
（🔻下跌20位）
📍香港理工大學：上年第65位➡今年第65位（排名不變）
📍香港城市大學：上年第54位➡今年第70位（🔻下跌16位）
📍香港浸會大學：上年第281位➡今年第295位（🔻下跌14位）
📍嶺南大學：上年第601-650位➡今年第641-650位（🔻下跌）
點解跌得咁甘？新評分指標拉低哂分數
今年QS新增咗三項新評分指標，對港大嘅影響唔算大——雖然國際研究網絡評分得42.7分，但港大喺就業成果同可持續性分別獲99.5及97.3分，所以港大排名只係下跌5位，跌幅比起其他本地大學已經算細。
不過其他學校嘅表現就冇咁好喇，以科大為例：國際研究網絡得5.3分，可持續性同就業成果各得31同50.3分，拖低咗科大嘅整體分數。其他院校嘅分數都被新指標拉低——城大喺國際研究網絡同就業成果分別拎到17.4同29.5分；浸大國際研究網絡得2.6分，另外兩項指標有15.1同17.2分；嶺南大學三項指標全部得個位數，就業成果有8分，其他兩樣得1.1分。
全球及亞洲Top 5院校排名
雖然排名有少少變動，但上年5間排名最高嘅院校，今年依然穩守Top 5位置。麻省理工學院同劍橋大學繼續排喺頭兩位，牛津大學同哈佛大學排名微升至第3同第4名，史丹福大學排名微跌到第5位。
新加坡國立大學（NUS）今年第一次打入全球十強，排名世界第8，係成績最好嘅亞洲大學。NUS嘅勁敵北京大學今年排名下跌5名至第17名，緊隨其後嘅係由第14位大跌至第25位嘅清華大學。亞洲區嘅第4同第5名分別係新加坡南洋理工大學同香港大學。
更多最新最熱最有用財經金融地產資訊 請即登記成為Finance730會員
歡迎讀者投稿，稿件請投至finance730hk@gmail.com
▼追蹤Finance730 動向 官方網頁
▼緊貼最新市場走勢
▼投資教室 專題研究
▼消閒生活 時尚品味
