香港市民有機會親身感受下國產電動車嘅魅力喇！九巴早前宣佈，42部由中國電動車廠比亞迪（BYD）生產嘅純電動雙層巴士已經交付，目前做緊最後檢驗，預計九巴第一部雙層電動巴士最快會喺今個月投入服務。
其實九巴之前已經幫襯過比亞迪，例如上年引入咗16架「電光綠」比亞迪B12A純電動單層巴士，充電時間為1小時40分鐘，可以行到大約200公里，車上仲配備免費5G Wi-Fi上網服務同USB插頭充電。睇嚟九巴對比亞迪生產嘅電動巴士相當滿意，所以今次先要買多幾架返嚟用。
九巴唔係香港唯一一間鍾意幫襯中國車廠嘅巴士公司。匯達交通（新巴、城巴母公司）喺2022年引入嘅全港首輛雙層電動巴士同樣係Made in China，由中國威馳騰（福建）汽車生產。呢款電動巴士最多可接載113名乘客，而且同比亞迪嘅電動巴士一樣，可以為乘客提供USB充電插頭同Wi-Fi服務。
日本巴士公司拒用比亞迪：唔想使用致癌化學物質
九巴對比亞迪生產嘅電動巴士青睞有加，不過呢啲好嘢未必個個都識欣賞。原本比亞迪諗住同豐田嘅子公司日野汽車（Hino Motors）合作，今年三月喺日本推出「Hino Poncho Z EV」小型電動巴士，點知日野喺二月「落閘」，表示放棄喺日本市場推出Hino Poncho Z EV嘅計劃，理由係呢款巴士採用咗致癌物六價鉻。雖然比亞迪強調乘客同司機嘅健康唔會受影響，而且將來就算架車報廢都唔會污染環境，但日野最後都係決定要取消訂單。
更多最新最熱最有用財經金融地產資訊 請即登記成為Finance730會員
歡迎讀者投稿，稿件請投至finance730hk@gmail.com
▼追蹤Finance730 動向 官方網頁
▼緊貼最新市場走勢
▼投資教室 專題研究
▼消閒生活 時尚品味
