消費者委員會檢測市面上20款較常見嘅個人護理濕紙巾樣本，當中大部份都標榜適用於嬰幼兒，部份更聲稱係「純水」、「手口專用」。不過消委會發現有濕紙巾樣本嘅酸鹼值偏低或者含致敏物，其中有隻樣本嘅細菌菌落總數高達100,000cfu/g，使用後可能會帶嚟健康風險。
部份未獲滿分嘅濕紙巾樣本
📍DAISO Baby Wipes for Hands and Mouth（日本製）
消委會發現樣本嘅細菌菌落總數高達100,000cfu/g，超出內地《一次性使用衞生用品衞生標準》所列上限（200cfu/g）近500倍，反映樣本可能喺未開封前已經受微生物污染。
消委會指，雖然唔係所有細菌都會引致傳染病，但使用含過量細菌嘅濕紙巾清潔面部、眼睛、嘴巴、私密部位等，仍有機會出現細菌感染；如果使用者係抵抗力較弱嘅嬰幼兒同長者，感染風險會較高。
📍萬寧 嬰兒柔濕巾-初生嬰兒適用（3包裝）（台灣製）
呢款濕紙巾雖然話係「初生嬰兒適用」，但消委會發現樣本所含溶液嘅酸鹼值為3.2，低於內地《濕巾標準》嘅下限（酸鹼值3.5至8.5）。
消委會提醒，過酸或過鹼嘅溶液可能會刺激皮膚，容易引起皮膚痕癢或炎症，消費者應該避免使用。
📍759阿信屋家庭裝濕紙巾（香港名勝）（中國製）
📍nepia WET PLUS（日本製）
消委會分別喺呢兩種樣本中驗出可致敏嘅防腐劑同化學物。759阿信屋家庭裝濕紙巾樣本含0.0015%游離甲醛，接觸皮膚後可能會刺激皮膚、眼睛同引起炎症等。消委會指出，個人護理產品驗出嘅游離甲醛係由添加嘅防腐劑釋出，但759阿信屋嘅呢款濕紙巾冇喺包裝上標示相關資訊。
nepia嘅樣本就被驗出有2種對羥基苯甲酸酯，不過總含量就未超出歐盟上限。對羥基苯甲酸酯可能會引致發炎或敏感，有海外研究甚至提出，對羥基苯甲酸酯嘅特性同雌激素相似，可能會干擾內分泌系統。
喺檢測中拎到滿分嘅濕紙巾樣本⭐⭐⭐⭐⭐
👍屈臣氏 手口專用環境友善嬰兒柔濕巾（5包裝）（中國製）💰$0.33/張
👍思詩樂 嬰兒濕潔淨棉（120包）（中國製）💰$0.33/張
👍特柔 清新香味濕紙巾（3包裝）（中國製）💰$0.53/張
👍阿布泰 99%純水濕紙巾（泰國製）💰$0.23/張
👍維達 純水嬰兒柔濕巾（3包裝）（中國製）💰$0.24/張
👍強生 手口純水濕紙巾（3包裝）（中國製）💰$0.22/張
👍順順兒 頂級實惠嬰兒濕紙巾（3包裝）（韓國製）💰$0.45/張
👍Lec.Be For Baby & Kids 水99.9%幼兒即棄濕抹巾（手口用）（3包裝）（日本製）💰$0.23/張
專家建議用其他方法取代使用濕紙巾
專家建議，喺幫嬰幼兒同長者換尿片嘅時候，可以用紗布或者純棉花加溫水，代替使用濕紙巾擦拭，以減少接觸過多化學添加物。如果無法用清水清洗，都應該盡量避免用濕紙巾接觸會陰部同肛門口等黏膜部位。
有猛人講者 基金經理黃國英 公開最新第四季焦點板塊及投資策略📈
即刻報名💰可享早鳥優惠（HK$300）
仲可以同英Sir現場交流🗣
8月19日 英Sir駕到👉https://finance730.com.hk/shop/
更多最新最熱最有用財經金融地產資訊 請即登記成為Finance730會員
歡迎讀者投稿，稿件請投至finance730hk@gmail.com
▼追蹤Finance730 動向 官方網頁
▼緊貼最新市場走勢
▼投資教室 專題研究
▼消閒生活 時尚品味
