又到咗放榜嘅季節，每年都會有考生因為成績唔理想而選擇重考。35歲嘅唐尚珺堪稱係「高考釘子戶」，佢為咗考入夢想中嘅清華大學，已經抱住屢敗屢戰嘅精神考咗15次高考。今次佢放低執念，諗住放棄清華夢，認認真真去讀個師範學位返嚟，點知就被大學「退檔」。如果唐尚珺今年冇offer，但仲想入大學，咁佢可能下年要再去考第16次高考喇……
收到名校offer都選擇重考 真係為咗入清華？
唐尚珺出生於廣西省嘅一個偏遠山村，由2009年開始，佢已經參加過15次高考。唐尚珺第一次高考只係得372分，不過之後幾次重考都keep住有進步，去到2012年嘅時候考到505分，已經過咗內地嘅二本（第二批次錄取嘅本科大學）錄取分數線。
正常嚟講，如果重考只係為咗入大學，咁唐尚珺已經冇必要繼續考落去，但佢喺過咗二本分數線之後，又覺得自己可能有機會考得更好、入到更好嘅大學，於是考完一次又一次，就連考到646分都唔收手，一眨眼就考咗14年。
2023年QS亞洲大學排名#10
2023年QS亞洲大學排名#76
2023年QS亞洲大學排名#251-260
喺過去幾年，佢曾經被中國政法大學、廈門大學等知名學府錄取，最誇張嘅一次係喺2022年收到上海交通大學醫學院護理學院嘅offer，不過佢一句「不合適」就放棄咗入學嘅機會，於是有網民質疑，唐尚珺到底係為咗考入心儀學系而重讀，定係因為唔想改變現有生活模式，所以先用重考做藉口逃避現實。
原本諗住考埋今次就上岸 點知今年冇offer
今年6月，唐尚珺喺接受媒體訪問時表示，考入北大、清華可能只係一個夢想，自己唔具備入清北嘅實力，仲強調應該唔會再重讀，而係會考慮讀師範做老師。
不過事與願違，唐尚珺嘅高考志願本來係填報咗北京師範大學珠海校區、華南師範大學、華中師範大學以及浙江大學農業與生物技術學院，可惜四個志願全部落空。據傳媒報道，今年唐尚珺嘅高考分數係594分，但華中師範大學化學同物理專業喺廣西理工類嘅最低錄取分數分別係609分同608分，比唐尚珺嘅成績高出一截。唐尚珺依家只可以等待補錄結果，假如佢未被錄取，但又唔想就咁同大學學位擦身而過，可能唯有再讀多一年喇。
有猛人講者 基金經理黃國英 公開最新第四季焦點板塊及投資策略📈
即刻報名💰可享早鳥優惠（HK$300）
仲可以同英Sir現場交流🗣
8月19日 英Sir駕到👉https://finance730.com.hk/shop/
更多最新最熱最有用財經金融地產資訊 請即登記成為Finance730會員
歡迎讀者投稿，稿件請投至finance730hk@gmail.com
▼追蹤Finance730 動向 官方網頁
▼緊貼最新市場走勢
▼投資教室 專題研究
▼消閒生活 時尚品味
