今日（24日）係紅隧實施「易通行」不停車收費後嘅首個工作天，運輸署署長羅淑佩喺電台節目表示朝早部份地區嘅交通情況大有改善，仲話紅磡收費廣場嘅車龍「一直有移動，所以唔算有塞車」，結果呢番言論惹來網民質疑：「唔通一直後退先叫塞車？」
下個月將會升任房屋局常任秘書長／房屋署署長嘅羅淑佩話實施易通行後嘅交通情況比預期理想，首個工作日朝早紅隧嘅車流量同上兩個星期嘅同時段相若，但漆咸道北、蕪湖街呢啲路段都冇見到車龍，相信係同實施易通行有關。
羅署長又話觀察到紅隧收費廣場喺繁忙時段出現車龍：「雖然有車龍，但一直有移動，紅隧嚟講如果可以一直向前行，就唔算係塞車或者大塞車喇。」
不過網民就唔多認同佢嘅睇法，直言如果根據羅署長呢個標準判斷有冇交通擠塞，咁香港應該從來都冇塞車，屯門公路更加係日日暢通，仲諷刺羅署長呢番說話係「指塞為通」。
除咗車龍問題未完全得到解決，今日亦有司機因為未適應新措施，所以唔小心喺經過收費亭嘅時候停低咗，的士業界之前亦反映過易通行經常誤認，唔係每次都可以順利偵測「司機卡」。羅淑佩話，紅隧人手收費亭嘅拆亭工作需要喺晚上封路進行，因此大約需時兩至三個月；至於的士司機卡失靈，羅淑佩回應指紅隧收費廣場特別添加咗額外鏡頭，有達到預期效果，暫未收到收費失靈嘅投訴，但仍然會照顧業界嘅需要，盡量解決有關問題。
易通行第二階段喺星期日（23日）率先喺紅隧通行，8月內會喺東隧同西隧實施，確實日期將於稍後公布；而第三階段嘅大老山隧道同香港仔隧道就會喺今年年內實施。
🎓Finance730 x FM財自 首個聯合舉辦講座《財自學院》
有猛人講者 基金經理黃國英 公開最新第四季焦點板塊及投資策略📈
7月31日前報名💰可享早鳥優惠（HK$300）
仲可以同英Sir現場交流🗣
8月19日 英Sir駕到👉https://finance730.com.hk/shop/
更多最新最熱最有用財經金融地產資訊 請即登記成為Finance730會員
歡迎讀者投稿，稿件請投至finance730hk@gmail.com
▼追蹤Finance730 動向 官方網頁
▼緊貼最新市場走勢
▼投資教室 專題研究
▼消閒生活 時尚品味
