大學畢業後，June入咗一間本地投資銀行，同時喺巧合下識到Annie。Annie喺外資投行做咗十年IBD，工作經驗、見識十分豐富，所以June好敬重佢，經常向佢請教。最近，Annie極力勸告June快啲轉工，對話如下——
「咩話？原來你一個月人工得萬五蚊？我冇聽錯呀？」Annie一畢業就入外資投行工作，起薪四萬幾，聽到原來本地投行得萬五，嚇到合唔埋個口。
「係呀⋯⋯嗰陣老細話fresh grad係呢一個價，慢慢會加喎。」June閃閃縮縮咁話。
「萬五喎？Big four starting都冇咁低啦？點解你會做㗎？」Annie難以置信。
「咁⋯⋯嗰陣佢話bonus有成六七個月，而且有IPO經驗呀嘛，我咪入咗去囉。」
「咁上年bonus幾多？」
「老細話上年生意差咗，得一個月⋯⋯」
「頂！阿女，你俾佢呃咗啦！」Annie反晒白眼：「你自己計下，你喺一間細行做front office，人工得嗰一萬五，日日OT。你去大行做back office，至少兩三萬，仲要返九放六，係人都知前者係伏啦！」
「我知⋯⋯我知我嘅人工好唔合理，但係老細對我好好，教咗我好多嘢，我入咗去半年咋，佢已經帶我出business trip，見識咗唔少。而且，我嘅同事真係好好，我唔捨得佢地。如果我做得一年就辭職，好似好衰⋯⋯」
「緊係啦，佢唔教你做嘢，點推多啲嘢畀你做呀？你啲同事好，咪日後多啲返去探佢地囉。唔好因為咁而自毁前程啦。你係咪想一世留喺細行？」
「唔係——我真係唔想。」June脫口而出。
「咁你就理性啲，快啲搵新工啦。做人要有義氣，但係返工唔好太重感情。」
「知道。」June知道，Annie講中咗佢，咩老細肯教、同事好人、唔想做衰人，完全係不理性思考。於是，佢下定決心搵新工。
三個月後，June搵到一份新工，喺一間大行做middle office。經過內心一番掙扎，佢鼓起勇氣，入房遞信。原本，佢以為老細會同佢傾下，關心下佢點解要走。點知，完全冇。
「係呀？咁你一陣搵admin傾下last day啦。你仲有幾多日假呀？一係扣埋佢，早啲走啦。」
吓⋯⋯完全冇問原因，仲想我早走，慳返啲成本？點解⋯⋯點解可以咁。
June將老細嘅反應話畀Annie知，Annie毫不驚訝：「阿女，你真係太天真啦。邊有人返工咁重感情㗎？喺大部分老細心目中，員工真係齒輪嚟㗎咋。」
「我知佢唔會挽留我，但我估唔到佢連關心都冇句，仲叫我扣埋啲假早走，真係零尊⋯⋯」
「由佢呃你有六七個月bonus，最後得返一個月嗰下起，佢已經零尊啦⋯⋯」
「真。」
經此一次，June清醒咗，返工要有專業，要有責任感，但感情真係唔使太多。到頭來，失望會係自己。
【Finance730 專欄作家：林子晞 @hkibankmemes 】
頂級Ibank低薪奴工位費力勞心 Fresh Grad照爭崩頭有理由
有猛人講者 基金經理黃國英 公開最新第四季焦點板塊及投資策略📈
即刻報名💰可享早鳥優惠（HK$300）
仲可以同英Sir現場交流🗣
8月19日 英Sir駕到👉https://finance730.com.hk/shop/
更多最新最熱最有用財經金融地產資訊 請即登記成為Finance730會員
歡迎讀者投稿，稿件請投至finance730hk@gmail.com
▼追蹤Finance730 動向 官方網頁
▼緊貼最新市場走勢
▼投資教室 專題研究
▼消閒生活 時尚品味
