美國樂壇天后Taylor Swift嘅巡迴演唱會「The Eras Tour」今年3月正式展開，目前計劃唱到下年11月，總場數多達146場。有媒體報道，Taylor Swift嘅號召力驚人，The Eras Tour嘅總收益可能突破14億美元，有望成為史上首個收益超過10億美元嘅世界巡迴演唱會！除咗門票收入之外，有研究認為今次嘅巡演可能為美國帶嚟近50億美元嘅商機，價值甚至高過50個國家嘅GDP總和。
門票銷售破紀錄 預料總收入會創歷史新高
Taylor Swift暌違五年再開巡演，門票自然相當搶手。本來演唱會嘅票價由50美元到899美元不等（如果唔計VIP套票），但就算係最平嘅座位，喺轉售市場都被炒上1,000美元。假如唔想幫襯黃牛，自己搶飛分分鐘會搶到崩潰。門票售賣網站Ticketmaster數據顯示，有350萬人提前註冊參與The Eras Tour門票預售，開賣當日就賣出咗超過200萬張門票，網站亦一如所料down機死server。
由於主辦方冇公佈完整嘅銷售數據，再加上巡演仍然進行緊，所以我哋無法得知演唱會實際收入有幾多。不過據音樂媒體Pollstar估計，The Eras Tour嘅總收益可能會突破14億美元，超越現時票房收入最高嘅巡回演唱會、傳奇歌手Elton John告別巡演「Farewell Yellow Brick Road」9.39億美元嘅收入紀錄。
天后影響力高到嚇親聯儲局 亞洲Swifties為搶飛申請信用卡
除咗主辦方賺到盆滿缽滿，就連舉辦巡演嘅城市都會受惠！市場調查公司QuestionPro估計，Taylor Swift為期半年嘅美國本土巡演為美國帶嚟接近50億美元嘅經濟效益，價值高過全球50個國家嘅國內生產總值（GDP）總和；每個參加演唱會嘅觀眾平均會花費1,327.74美元喺門票、服裝、商品、飲食同旅行等項目上，而且有71%嘅受訪者表示呢筆消費係值得嘅，因為呢個經歷對佢哋嚟講別具意義，仲有91%嘅人表示佢哋會再去多一次。
Taylor Swift嘅「功績」甚至得到咗美國政府嘅認可。今年7月發佈嘅聯儲局褐皮書中，費城聯儲提到，今年5月費城酒店收入創疫情以來新高，好大程度上歸功於Taylor Swift喺當地舉辦演唱會，帶動大批遊客造訪。
唔止美國fans捧場，亞洲嘅Swifties（Taylor Swift粉絲稱號）為咗追星亦不遺餘力。新加坡係The Eras Tour中唯一有排入場次嘅東南亞國家，所以鄰近地區嘅Swifties都想搶到新加坡站嘅門票。由於新加坡第三大銀行大華銀行嘅信用卡會員可以提前參與The Eras Tour新加坡站嘅門票預售，大華銀行喺新加坡、泰國、馬來西亞、印尼、越南等地嘅信用卡申請量急增45%，其中新加坡同越南嘅Debit card申請量增幅更接近130%。
政府都關注巡演售票 巴西準備為Taylor Swift推出法案
The Eras Tour嘅門票咁搶手，自然吸引唔少黃牛搶飛炒賣，結果上面提到嘅售票網站Ticketmaster就因此惹上官非。有歌迷認為，唔少黃牛黨喺Ticketmaster拎到門票轉賣，然後Ticketmaster又可以喺轉售過程中獲得提成，疑似違反消費者保護法同反壟斷法，於是將Ticketmaster嘅母公司LiveNation告上法庭。售票事件亦引起官方關注，北卡羅來納州總檢察長同美國司法部都開始對Ticketmaster進行反壟斷調查。
除咗美國政府出手調查，巴西眾議院有議員針對黃牛黨提交咗一項「Taylor Swift法案」，建議將黃牛定義為刑事罪行，黃牛黨如果被發現轉賣門票，最高可判處4年監禁，仲要支付原票價100倍嘅罰金。
🎓Finance730 x FM財自 首個聯合舉辦講座《財自學院》
有猛人講者 基金經理黃國英 公開最新第四季焦點板塊及投資策略📈
8月7日前報名💰可享早鳥優惠（HK$300）
仲可以同英Sir現場交流🗣
8月19日 英Sir駕到👉https://finance730.com.hk/shop/
更多最新最熱最有用財經金融地產資訊 請即登記成為Finance730會員
歡迎讀者投稿，稿件請投至finance730hk@gmail.com
▼追蹤Finance730 動向 官方網頁
▼緊貼最新市場走勢
▼投資教室 專題研究
▼消閒生活 時尚品味
