海底撈（6862）出咗名服務周到，無論係喺等位定係用餐嘅過程中，顧客都可以感受到海底撈店員無微不至嘅照顧。細心到極致嘅服務態度唔單止令海底撈稱霸火鍋界，連哈佛商學院都將海底撈列為教材案例。雖然已經係擁有過千間門店嘅知名連鎖品牌，但海底撈從未停止內卷，繼美甲、擦鞋、變臉表演之後，仲準備推出洗頭服務吸引食客！
江蘇無錫一間海底撈分店近日喺鋪頭門口放置咗洗頭床、洗頭水同風筒等設備，隔籬仲有個牌寫住可以用200撈幣兌換一次洗頭服務，掀起網民熱議。之後呢間海底撈分店回應稱，佢哋前兩日啱啱推出洗頭服務，同之前嘅美甲服務一樣，想洗頭嘅顧客需要先排隊取號，每次洗頭體驗嘅時長大概20分鐘。
「洗頭服務其實疫情之前個別門店也有，只是疫情期間停止了，現在又重新開始在個別門店推出。現在先是試點，未來可能會一點點向全國推廣。」海底撈回應稱，無錫茂業天地店的洗髮體驗區，是門店進行的個性化創新試點，旨在為會員提供更多權益。
服務好到食客有壓力
雖然海底撈（及其美甲服務）喺大陸享負盛名，但香港人未必了解海底撈嘅服務到底細緻到咩地步。
顧客喺等位期間可以坐低休息已經係好基本，如果等到悶，等候區會提供象棋同啤牌畀顧客打發時間，肚餓嘅話更可以食住生果、餅乾、爆谷等入座。萬一真係要等好耐，女士們可以去排隊gel甲，男士們可以去擦皮鞋，小朋友可以去兒童遊戲間放電。到客人入到舖頭坐低之後，餐廳會提供定圍裙、濕紙巾、酒精棉片，以及女性食客最需要嘅橡筋同髮夾，客人喺用餐期間仲有得欣賞川劇變臉同拉麵表演。
海底撈其中一樣最出名嘅服務，就係幫客人慶祝生日。網上有好多食客分享過海底撈幫自己慶祝生日嘅震撼場面，一班店員會拎住燈牌同蛋糕，用慷慨激昂嘅歌聲為壽星送上真摯祝福。不過呢種熱情唔係個個都招架得住，好多網民都話生日嘅時候幫襯海底撈特別有壓力，所以海底撈之後設計咗一款寫住「請勿打擾」嘅牌仔，畀有需要嘅客人放喺檯面，解救咗一班內向怕醜嘅食客。
有猛人講者 基金經理黃國英 公開最新第四季焦點板塊及投資策略📈
即刻報名現場版💰可以同英Sir現場交流🗣
8月19日 英Sir駕到👉https://finance730.com.hk/shop/
更多最新最熱最有用財經金融地產資訊 請即登記成為Finance730會員
歡迎讀者投稿，稿件請投至finance730hk@gmail.com
▼追蹤Finance730 動向 官方網頁
▼緊貼最新市場走勢
▼投資教室 專題研究
▼消閒生活 時尚品味
