落地窗美觀、實用，令身在其中者感受周圍風景，可以有更好嘅視覺效果，增加室內採光等好處。（仲可以提高樓價添）唔講唔知，原來美觀實用嘅落地窗竟然都存在隱患？究竟係點？裝修佬話你知。

落地玻璃窗的隱患 hide

隱患一：露台落地玻璃易冇安全感

現時好多樓盤將睡房、客廳同露台連埋一齊，咁樣一來，會增强空間感同採光度更好。而為咗突顯出可以更好欣賞到風景效果，唔少樓盤會將露台做成是直立嘅落地玻璃窗，如果咁樣，好容易令人感覺腳下虛空。加上樓層高嘅話，會對畏高人仕造成困擾，同時俾人感覺毫無遮攔、無私隱度。

隱患二：睡房採光不宜大開大合

同樣嘅問題係睡房存在。係中國哲學裡，將陰陽諧調稱之為最優環境。而係睡房度如果係直面落地玻璃窗時，往往係拉開窗簾燈太陽光照射進房，會形成光煞，而平時拉上窗簾又會覺得太陰暗。呢種情形會導致夫妻不合。睡房要有平衡光線，先會令夫妻感情和諧。

係有啲建築居室入面，雖然係落地玻璃下有約幾十公分嘅牆，但同樣係採光部份過大，都會有同樣問題。所以，係睇樓嘅時候要留意，落地玻璃窗嘅面積唔可以過大，但又唔可以太細，以免影響適度通風同採光。

現時好多寫字樓為咗體現現代感，將外觀做成玻璃窗形式。呢種設計雖然看望落很型，但一旦遇到太陽光強烈嘅日子，呢啲玻璃嘅反光就會成為大問題。附近住戶生活休息受到影響姑且不論，反光令人感覺不適。而且，呢種玻璃窗鏡面效果會攪亂環境氣場，久而久之，對人嘅精神健康不利。

呢種格局犯咗傳統堪輿學中嘅割腳煞，現代堪輿學將空、低稱之為水，遇到颳風落雨時，就靠玻璃抵擋，而如果僅靠玻璃擋風雨，讓令人感覺唔踏實，大有風雨飄曳危機感。唔單止會影響財運，同時有損身體健康。

美觀實用嘅落地窗頗受大家喜愛，以上所講嘅隱患其實可以避免。例如，係落地窗前擺放綠色植物，增加一定距離、加裝防盜網、窗紗、安全護欄，係玻璃上黐玻璃紙，既增加私隱度嘅同時又唔影響室內採光。

_{Finance730專欄作家、互聯網裝修業平台裝修佬（授權轉載｜原文鏈結）}