新春期間，沙田車公廟必定人頭湧湧，尤其是年初二車公誕。前財政司司長曾俊華周末在社交媒體上分享了他對沙田車公廟的回憶，稱有朋友告訴他，車公廟似乎對從事偏門工作的人特別靈驗，而政治在某種程度上也算是偏門，指或許因為這個原因，每年為香港求籤時，車公廟的籤文總是如此準確。
曾俊華回憶車公廟：傳統信仰與現代社會交匯
曾俊華在帖文提到，以前港英政府為了展示對中國傳統的尊重，會派遣地區專員和民政事務總署的官員去車公廟為香港求籤祈福，後來則改由鄉紳代勞，而他對鄉紳們舞麒麟的表演印象深刻，認為他們的舞蹈十分精彩。
曾俊華坦言，對於籤文的準確性曾有所懷疑，擔心是否有人在籤筒中做手腳，但無論信仰與否，每年初二聽到為香港求得的籤文，大家都會感到車公的預測準確無比，難以解釋。
相關報導：天后、車公年收$3,000萬香油 廟祝課程問世 畢業後可以投間廟自己打骰？
車公籤文的神秘準確性
帖文中曾俊華指有朋友告訴他，車公廟似乎對從事偏門工作的人特別靈驗，而政治在某種程度上也算是偏門。這讓曾俊華思考，或許因為這個原因，每年為香港求籤時，車公廟的籤文總是如此準確。
John Tsang曾俊華Facebook帖子全文
話咁快又過咗農曆年假期，唔知係咪因為今年啲孫去咗外國探外公外婆嘅關係，冇咗啲細路喺度依嘩嘈閉，呢個新年屋企變得好平靜咁。不過咁都好嘅，等我有機會喺屋企，靜靜哋追睇返一啲，積咗好一段時間嘅新書，同埋文件。
喺屋企唞咗幾日，我同家人喺農曆年幾日紅假之後，終於再次出動，先去咗又一城飲茶，之後諗住去山頂行個大運。本來以為會冇乜人，點知駛上山頂嘅車龍，長到嚇親人，見到好多載住內地旅客嘅旅遊巴，排住隊上山頂。我哋喺山頂個商場落車後，諗住行下 mall，嘩！真係爆晒棚，唔單止食肆滿座，連便利店裡面啲飲品食品，都畀人係咁掃，誇張少少講，真係有啲似無政府狀態。
話明行大運，我哋就如往常咁，沿住盧吉道、夏力道繞住山頂行一個圈，既可欣賞無敵維港景，同超級靚嘅港島山景，又可以清空下腦袋，真係好正㗎。以前喺山頂 Plunkett Road 住嗰陣時，我都差唔多隔日行一次呢個山徑，往常行四十分鐘左右嘅路程，因為沿路遇見好多香港朋友，大家都好開心咁打招呼、影下相，結果用咗多過成個鐘，先至行得完個大運。我雖然冇做財政司司長好耐，但係唔少朋友，對於喺新正頭撞到我，呢個過氣財爺，仍然覺得係好意頭，哈，我都好樂意，繼續成為大家嘅｢吉祥物｣。
逢新年假期，好多人都離港度歲，成個市面都靜好多，冇乜新聞，所以官紳去沙田車公廟求籤，都成為每年大年初二嘅大新聞。
一直以嚟，對沙田嚟講，車公廟都扮演一個好重要嘅角色，正如黃大仙嘅黃大仙廟一樣。我好記得喺八十年代初，返嚟香港第一份工做沙田助理政務專員嗰陣，年年都會去車公廟。唔講你唔知，其實車公廟亦都係我第一間去嘅廟宇。
以前港英政府為咗顯示尊重中國嘅傳統，都會派地區專員、民政事務總署嘅官員去車公廟，為香港求籤祈福，大家都應該知道後來點解改由鄉紳代勞。鄉紳去拜車公，舞晒麒麟，好大陣仗架，我呢個舞個獅嘅同道，就非常之欣賞佢哋嘅表演。喺我印象中，大家求得嗰支籤，一般都唔錯嘅，所以當時我一直都有啲懷疑，喺咪有人做咗手腳，抽起晒啲下籤。
不過，無論有冇宗教嘅人，每年聽到大年初二，為香港求得嘅籤文，大家都會覺得車公講得好準，呢樣嘢我同全香港嘅朋友一樣，都覺得準到難以解釋。有朋友就曾經同我講過，車公係最啱嗰啲做偏門工作嘅人去拜，而政治都應該算係偏門，唔知係咪因為咁，每年去為香港求籤嘅時候，車公零舍算得準呢?
#過氣財爺
#樂做吉祥物
#車公好嘢
#獻君留住待春臨來自
更多曾俊華相關報導
更多最新最熱最有用財經金融地產資訊 請即登記成為Finance730會員
歡迎讀者投稿，稿件請投至finance730hk@gmail.com
▼追蹤Finance730 動向 官方網頁
▼緊貼最新市場走勢
▼投資教室 專題研究
▼消閒生活 時尚品味
