話咁快就過完年，喺過去呢個星期，我過得既充實又忙碌，我去咗好多唔同嘅會議、工作坊，亦同來自唔同地方、專業背景嘅人見下面，交流下，當中呢，有一位係駐香港、認識一段時間嘅外國記者。
他強話不能容忍香港成為國際金融中心的「遺址」，這將對香港前人的努力和國家造成不可挽回的損失，「 我哋亦會跟合同法做事，我哋亦都要同時向外講清楚，國安法同基本法 23 條嘅紅線喺邊，等國際投資者願意返嚟香港投資同做生意」，並Hashtag「搭好個台就有人嚟」。
前財政司司長社交媒體全文
我哋喺傾偈嘅時候，大家都不約而同認為，香港維持國際金融中心地位實在太重要啦，呢個不單止係對香港好，對國家亦都好重要。全世界好多地方，都恨不得可以成為一個國際金融中心，而香港本來就有獨特嘅優勢，其中一個就係港元可以自由兌換、亦係同美元掛鈎。加上香港位處兩大國際金融中心，紐約同倫敦嘅中間時段，啱啱好可以填補兩地之間嘅時間空檔，令到嗰啲做金融買賣嘅人，例如做對沖嘅，佢哋可以無間斷咁 24 小時進行交易。
香港有咁好嘅自身條件，點可以容忍自己呢個國際金融中心，變成國際金融中心「遺址」呢？如果咁樣做，真係對唔住香港前人嘅努力、犧牲、辛辛苦苦建立嘅一切，亦都對唔住國家。趁有得救嘅時候，我哋就要出手，一定要同國際社會，重新強調香港嘅強項同優勢，強調香港係一個講法治嘅地方，Rule of law 而唔係 rule by law；我哋亦會跟合同法做事，我哋亦都要同時向外講清楚，國安法同基本法 23 條嘅紅線喺邊，等國際投資者願意返嚟香港投資同做生意。正如電影 Field of dreams 裡面一句經典台詞：If you build it, they will come. 你建立好一套制度架構，啲人就會嚟，講少啲無謂嘢，多做實事，呢個已經係刻不容緩。
好多嘢雖然都唔到我哋控制，但係「薯片叔叔共創社」就繼續希望盡一份綿力，去推動 21 世紀嘅新教育模式。呢個禮拜我哋舉行咗一個工作坊，今次主要係邀請啲 funders，包括一啲基金會同家庭辦公室，仲有一啲創業投資公司嘅代表嚟參與。Esperanza都已經成立咗好一段時間，我哋一直都喺度推動各界，希望大家可以了解到咗 21 世紀，教育需要做啲乜嘢革新，先至可以令學生學到符合 21 世紀需要嘅知識，以至利用 EdTech，嚟幫助唔同年齡階層嘅人去學習。
不過，即使我哋引入咗呢啲教育科技項目嚟香港，但係如果冇經過大學呢類機構去做研究、評估或者衡量，本地嘅教育機構可能都唔敢採用，而呢方面，我哋就希望可以爭取到一啲 funders，喺財政上支持呢方面嘅研究同發展，亦都希望佢哋多啲支持做 EdTech 嘅初創公司。
我就捉咗 Esperanza 嘅董事局成員兼我嘅好朋友 Laurence Li 嚟，因為佢本身都係「金融發展局」嘅主席，希望佢同大家分享金融同教育嘅關係，佢仲提到，政府嘅朋友成日叫佢諗下點樣引入多啲家族辦公室嚟香港，但佢就覺得，你與其諗有乜計仔吸引呢啲辦公室嚟，不如先話畀全世界聽，香港有乜嘢優勢。哈，我同 Laurence 都算心有靈犀。或者，呢個都係香港金融界普遍存在嘅期盼。
更多曾俊華近期言論
更多最新最熱最有用財經金融地產資訊 請即登記成為Finance730會員
歡迎讀者投稿，稿件請投至finance730hk@gmail.com
▼追蹤Finance730 動向 官方網頁
▼緊貼最新市場走勢
▼投資教室 專題研究
▼消閒生活 時尚品味
