話說最近跟shooting，阿客嗰邊派咗個fresh grad妹妹全程跟shoot，阿妹用好羨慕嘅眼光問，你做PR咪成日見到好多明星同KOL囉？
好多時候，PR對明星、KOL嚟講，個功用只係book枱同免費餐食或者服務，但我覺得OK嘅，有來有往，我free餐飯俾你，你有content update，你還個post俾我，我當氹下客人，互惠互利，都幾好吖！
係呀，我哋的確係冇budget俾你嘅，但餐飯係你跟你要求，而且on top都再offer多少少我哋最近想推廣嘅新menu俾你，你明明agree咗，仲話好想試添！亦都先小人後君子同你講好哂附帶條件係要限期之前出post，加下指定hashtag#，你又清楚明白OK哂㗎喎！
你想最好有房想private啲，想同屋企人慶祝生日可唔可以送蛋糕送酒，阿客都好好呀！滿足晒你嘅要求，仲專登做埋生日deco俾你添！最緊要你食得開心，啲相靚仔，出個靚post，大家開心！
同你follow up，你又好滿意㗎喎！
但當我提你要出post嘅時候，喂？你又冇咗影嘅？拖咗三五日，搵到你嘅時候，你就講一句「都冇收錢，真係冇得要求咁多！」、「可能未必出到你啲新菜式！」、「定係會唔會有budget？」
吓？飯你又食咗，一早又傾好係sponsor冇錢，又唔係呃你，又唔係要求你出多啲嘢，你應承我我先offer餐飯俾你㗎喎，明買明賣，有哂black and white㗎喎！
真係好衰格！但又可以點？作為PR，唔通開佢名？極其量只可以Blacklist咗佢，都冇咩可以點…人哋KOL好忙，睇中你個客去慶祝生日已經係萬幸，再追問一下係咪有啲咩唔滿意呀？又唔係！咁係咪有啲咩困難？「始終都係冇budget！」唔係講笑，嗰下真係想問候佢屋企人，祝佢屋企人生日快樂呀！
內心好躁底，同時亦要保持禮貌，同佢反枱就更加唔會有轉機…有少少打定輸數，如果最後都係出唔到嘅話，只可返去同客跪玻璃，免費送返啲嘢俾客補償。諗住行個好心，幫下阿KOL手同餐廳溝通，本身呢壇嘢就唔會向客戶額外收錢，首先已經令到個客唔高興，仲要為咗補鑊，額外做多啲氹番個客，真係 揦屎上身，攞苦嚟辛。
👩💼關公妹筆記💼
相信大家對KOL呢幾隻字都唔會好陌生，Key Opinion Leader，指網上特別有影響力嘅人，但要點樣先叫係好有影響力呢？好似冇呢一條界線去界定。但我認為KOL喺香港嘅定義好闊，只要係social media account，不論係blogger，抑或係幾百follower嘅foodie，都被會冠上，又或者自稱為KOL。其實除咗KOL，我認為一般擁有幾千至幾萬follower嘅social media account用MI (Micro Influencer)去稱呼可能會更加適合。
更多KOL相關報導
劣跡斑斑｜JPEX再遭證監轟可疑 即晚限制出金 KOL偃旗息鼓
日本慳家KOL花20年儲1億 哭訴日圓貶值令努力變得毫無意義
網紅維權｜女KOL賣沖涼水遭Paypel封號五年 70萬被凍結
財經KOL轉型直播帶貨 慘變股民出氣袋 退貨率101%成傳奇
更多最新最熱最有用財經金融地產資訊 請即登記成為Finance730會員
歡迎讀者投稿，稿件請投至finance730hk@gmail.com
▼追蹤Finance730 動向 官方網頁
▼緊貼最新市場走勢
▼投資教室 專題研究
▼消閒生活 時尚品味
