話說，前排有客介紹新客俾我，想搵agency幫佢落advertorial……
阿客：「因為都趕，你估你今日內報唔報到價俾我？」
Um… 其實而家都4pm，就算我唔收工， media都要收，真係未必俾到……
關公妹：「知道係好趕嘅！我盡力啦！我都有啲相熟media嘅，可能仲爭兩三間要等多陣，定係有幾多俾幾多你先？」
阿客：「咁又唔好！咁等你聽日一次過俾我啦！」
第二日經過一番努力，啲報價終於齊晒了！一搞掂就send俾阿客，見deadline咁趕，阿客又冇哂聲氣，咪打去follow up下囉……
阿客：「喂！我忙緊呀，唔同你講住！」
關公妹語速2x：「好呀，話聲你知send咗份報價畀你咋，你睇睇吖！thank you！」
然後一個鐘內，分別收到電話同錄音訊息…… （題外話，發現sales 好鍾意錄音！）
Media sales 1：「妹，你個客啱啱打咗俾我問我攞報價喎！」
Media sales 2：「你個客係咁r我畀agency價！」
Media sales 3：「你個XX品牌客打嚟發爛渣，話如果唔俾agency價佢要去平機會告我哋歧視！痴線㗎條友！」
聽完笑咗！咩料呀？原來佢咁忙，係要打俾sales再報價，發現價錢唔同，就想拎返agency嘅價錢。
正當我諗住text阿客嘅時候，阿客自己打嚟了！
阿客：「阿妹呀！其實搵你哋落ad有咩要做啫？左手交右手咋嘛，咁樣賺錢你都過意唔去啦！」
吓？咩左手交右手，真係要做嘢㗎！
阿客：「而家做生意好艱難呀，我想啲錢用得值囉！唔係話你係奸商，但你食水都唔少喎！問心你都係就咁send個email、打個電話confirm啫！你真係乜都唔使幫我做，我過錢俾你公司，你用agency再幫我找數就得喇！」
嬲到想直接cut線！Agency唔使開飯呀？善堂呀？我唔使出糧呀？幫你報價唔使時間呀？真係淨係報個價，forward啲資料俾media就做完呀？揼晒心口搭晒膊頭先咁急報到價，咁嘅說話都講得出你過唔過意得去呀？
咩人衰得過西客？可能係西得嚟仲做唔成我個客！西客遇過唔少，竟然希望要求以0 budget得到服務，都真係西客中嘅上品！我，作為一個專業嘅PR，收起憤怒同不屑，用我最友善嘅PR tone同佢道別同送上祝福！
👩💼關公妹筆記💼
其實agency對media真係唔係左手交右手冇input的，由同客傾，建議一啲啱target嘅media、media angle，再揼晒media心口快速拎報價，中間又牽涉對sales，對writer嘅溝通，仲要proofread呢？再加上做生意明買明賣，啲價錢又唔係突然亂加，點解講到agency係呃錢咁呢？
更多最新最熱最有用財經金融地產資訊 請即登記成為Finance730會員
歡迎讀者投稿，稿件請投至finance730hk@gmail.com
▼追蹤Finance730 動向 官方網頁
▼緊貼最新市場走勢
▼投資教室 專題研究
▼消閒生活 時尚品味
