加拿大政府喺7月11日宣佈，將會取消「救生艇計劃」Stream B嘅學歷限制，新措施喺8月15日生效後，有意申請加拿大永久居留權嘅香港人，只需要喺加拿大工作滿一年，就可以經Stream B申請成為加拿大永久居民。
Stream A同Stream B有咩分別？新措施同之前有咩唔同？
喺救生艇計劃下，香港人可以經Stream A或者Stream B申請移民。Stream A係指喺加拿大畢業嘅香港留學生可以直接申請加拿大永久居留資格；Stream B係工作移民，根據救生艇計劃過往嘅要求，申請人要喺過去五年內，喺加拿大或者海外完成指定專上教育課程，並持有開放式工作簽證（OWP），喺加拿大累積一年全職工作經驗後，先可以通過Stream B申請成為加國永久居民。
不過根據加國政府公佈嘅最新安排，Stream B嘅學歷限制將會被取消，如果手持香港護照或者英國BNO護照，只要工作經驗過關，就可以申請永久居留。另外，執政自由黨國會議員蔣振宇喺代表移民部部長Sean Fraser公佈詳情時表示，今次放寬唔止惠及符合OWP申請資格嘅香港人，持工作假期（Working Holiday）簽證或者其他工作簽證嘅香港人，只要喺加拿大工作滿一年，都可以以Stream B申請加拿大永久居留身份。
加國唔係第一次放寬申請資格 連申請限期都延長埋
加拿大移民部部長喺今年2月宣佈放寬OWP嘅申請資格，將原本嘅「五年內在加拿大及海外至少兩年認可課程的專上院校畢業」改為「十年內」。OWP嘅申請截止日期亦由原定嘅今年2月7日，延遲至2025年2月7日。今次加拿大進一步放寬申請資格，可能又會吸引到部分原本「走唔到」嘅香港人移民。
有猛人講者 基金經理黃國英 公開最新第四季焦點板塊及投資策略📈
即刻報名💰可享早鳥優惠（HK$300）
仲可以同英Sir現場交流🗣
8月19日 英Sir駕到👉https://finance730.com.hk/shop/
更多最新最熱最有用財經金融地產資訊 請即登記成為Finance730會員
歡迎讀者投稿，稿件請投至finance730hk@gmail.com
▼追蹤Finance730 動向 官方網頁
▼緊貼最新市場走勢
▼投資教室 專題研究
▼消閒生活 時尚品味
