上一節討論了中概股退市危機和法國右派抬頭勢必影響俄烏局勢，今節探討財金經濟為主。最近有傳滙豐一名匿名股東提出將滙豐「一拆二」，成立一家總部設在香港、專注亞洲業務的上市公司，而其他地區業務則歸英國滙控持有，方案獲滙豐大股東平保表態支持。C基金經理李浩德指出，目前滙豐主要營利來源來自香港和內地，有人提出分拆的最主要目的是提高股值，惟他認為最終拆骨的可能性不大。
「銀行股通常用市賬率計算，如果做咗呢個動作，將估值提高返啲，啲人覺得淨係買最好嗰邊。」李浩德指將大笨象拆骨將是一項世紀工程，而且滙豐其中優勢是擁有全球性業務，如果要分拆獨立上市會涉及很多具體問題，「本身銀行業是受高度監管，不同地方例如香港、倫敦，金管局又要參與，呢個係唔容易…」中原集團創辦人施永青則擔心，滙豐「一拆二」幾乎等於讓英國滙控自生自滅「嚿肥嘅會表現好就畀一啲人管，淨落嚟醜死怪嘅、蝕嘅，做呢間就無人工，等於嗰邊早啲執笠。」 。
第六屆行政長官選舉將於5月8日進行，唯一候選人李家超早前公布政綱，當中指重點解決房屋問題，會同步落實「明日大嶼」和發展「北部都會區」，但施永青認為此事言之尚早，房屋供應不會有急速改變，「明日大嶼而家都未開始填，所以都仲係好遙遠，睇唔到佢可以透過咩方式突然間令樓宇供應增加。」施遂指造地其實可以有更快的方法，「你將城規會成員都改埋，每逢反對供應土地嗰啲叫佢休息先」。今節《股壇C見》亦討論了美國不斷強調中國封城令物價提高的問題，立即觀看節目，了解更多財經、時事分析！
更多最新最熱最有用財經金融地產資訊 請即登記成為Finance730會員
追蹤Finance730 動向 《Finance730 網頁》
▼緊貼最新市場走勢
《Finance730》Facebook
▼消閒生活 時尚品味
《Finance730》Instagram
▼投資教室 專題研究
《Finance730》YouTube
