做Investment Banking Division （IBD）嘅朋友，尤其是搞上市嗰班，一定聽過printer。
成日話落printer落printer，係咪去印刷廠？非也。
Printer，即係Financial Printing Company，財經印刷公司。Printer提供校對、排版、印刷服務，為客戶出版招股章程、年度報告。同時，亦提供工作空間，畀上市公司舉辦股東週年大會，或畀不同團隊一齊工作。
一般而言，printer位於中環，近返香港交易所（HKEX）及各大投資銀行，方便大家工作，及親自到HKEX提交上市申請。平日晏就，如果你經過中環，見到有人捧住一大堆文件，狗衝去HKEX，好可能係佢地啱啱印好文件，由printer跑去HKEX，趕喺吉時入表，提交上市申請。
唔止地理位置優越，printer嘅內部環境亦吸引。租得個場畀客人，裝修高級就基本，部分仲有額外設施，例如浴室、按摩椅、娛樂設備等，畀使用者輕鬆一下。
對阿晞嚟講，printer既是地獄，也是天堂。
地獄在於工作辛苦。落得printer，代表上市項目接近終點，先要ibanker、律師、核數師一齊落嚟，七手八腳搞掂佢。去到呢啲位，通常都要OT。大家瞓得少，脾氣又差啲，口角時有發生，氣氛十分壓抑。
天堂在於服務周到。Printer嘅一切開支，由客戶支付，所有服務可以盡情享用。平日食飯，外賣一定叫Café Landmark、千両、鏞記，唔貴嗰樣唔叫，仲要叫埋Lady M做甜品，先夠完美。寫寫下書口痕，就出去零食櫃，拎返三包薯片，加多兩包綠茶，冇自己鍾意嘅零食，就向Sales反映，等佢地入貨。落雨要遮、裝文件要環保袋、簽名要筆，全部任拎。如果工作唔辛苦，其實都幾正㗎。
所以，我最鍾意就係入完表返printer。表就入咗，可以暫時休息，printer session未完，緊係即刻返去，嗌返支紅酒，食返餐勁㗎啦。
更多最新最熱最有用財經金融地產資訊 請即登記成為Finance730會員
歡迎讀者投稿，稿件請投至finance730hk@gmail.com
▼追蹤Finance730 動向 官方網頁
▼緊貼最新市場走勢
▼消閒生活 時尚品味
▼投資教室 專題研究
