日圓兌港元匯率屢創新低，不僅跌穿6算，創廿年來低位，更曾下試5.7算。在疫情影響下，港人無法外遊購物，加上匯率低迷，有人就透過代購服務代買心儀商品。有代購公司在這期間受惠日圓匯率下跌，生意按月增長近兩成，惟日圓貶勢加劇及與外幣利差拉大，當地物價持績上漲，匯率即使低，購物也未必較便宜。另有專家指出，現時日本央行繼續保持貨幣寬鬆政策，認為日圓短期內會再下跌。
購日貨人數上升 代購公司生意增兩成
代購服務公司GeTheMall創辦人Ivan說：「呢幾個月yen跌得咁勁，生意起碼多咗一兩成係日本個邊；當貨品價錢冇變嘅時候，變相係減價，八折、九折，所以價錢上係吸引咗好多。」GeTheMall市場部負責人Jayne表示，受惠日圓下跌，更多人選擇購買日本貨，帶動埋代購單數增長近兩成，現時平均每月有超過七位數的生意額。
Ivan又指出，客戶近期更願意購買較昂貴的奢侈品，「例如係日本啲錶，或者係貴少少牌子嘅服裝，佢地（客人）都會捨得去買，因為比之前真係平咗兩成左右；如果買呢啲奢侈品，可能一件衫就兩、三千蚊，有一啲人可能買手袋、手錶，（花費）五位數字都會有。」
除代購服務外，其公司亦因為日圓匯率低，而大幅調整其網上零售業務的採購量至增加三成。Jayne稱，主要會採購家品、衣物類，例如清涼床墊、衣服、雨傘等一些較難在香港本地買到的熱門款式，作日常零售業務貨存。
Yen價跌 購物未必有優惠
日圓兌港元跌穿6算，購物看似有優惠，惟Ivan表示：「日本匯率跌咗，其實影響咗日本個邊。因為啲yen跌咗變相佢地成本高咗。」
他又指出，自七月開始，多間日本廠家先後通知將會加價，「有啲甚至好明顯加咗兩成，買開嘅日本零食，蝦餅都加咗一成，Size（包裝）再細咗；porter袋都加價咗一至兩成。」因應情況，其公司的代賺匯率亦因情況而調節。團購業務亦會盡量採購日本製貨品，穩定價錢。
《Finance730》以價值85,000日圓的「Porter Shoulder Bag」作例子，若以之前匯率的6.6算計算，價錢轉換港元約5,610元；至於手袋加價一成或10%，價格即變為93,500日圓，再以新匯率6.1算計算，結賬總數為港幣5,703元。相比之下，即使匯價下跌，最終仍比之前貴近93元。
Ivan和Jayne稱，廠家需要用投入更多金錢生產貨品，最後只能提高產品價格來抵銷加價成本，「有一啲廠家，例如越南、菲律賓、中國個邊，去製造一啲嘢嘅時候，成本上漲到而家要停業話因為匯率太低做唔到，賣一件蝕一件；有一啲舖頭直程唔做生意，日本係有咁嘅情況發生。」
日圓跌穿6算 創廿年來低位
日圓自年初以來大跌，受美國議息及俄烏戰爭因素影響，日圓兌港元從1月的6.7算，下跌至8月初的5.88算，下跌逾13.6%。瑞信董事總經理及亞太區副主席陶冬博士接受本台節目《邊個夠你葳》時表示，日圓匯率未來還會下跌。
他認為，現時日圓的匯率已跌至跨周期，二十多年的低位，加上日圓匯率嚴重超賣，再看日本央行做法，日圓匯率還得跌。近日日圓雖因避險情緒升溫，走勢一度見反彈跡象，一度觸及6算水平，惟其後回落。
更多精彩影片
YouTube輪迴廣告教人開網店無痛致富 專家拆解Amazon寄賣翹埋手年賺千萬？
8大股債高手齊聚論經濟攬炒：衰退中求生一定要做呢樣嘢？︱邊個夠你葳 EP1
華爾街聽到Stagflation腳都震 15分鐘學識滯脹買咩保平安︱投資101
更多最新最熱最有用財經金融地產資訊 請即登記成為Finance730會員
歡迎讀者投稿，稿件請投至finance730hk@gmail.com
▼追蹤Finance730 動向 官方網頁
▼緊貼最新市場走勢
▼消閒生活 時尚品味
▼投資教室 專題研究
