在港經營牛角、牛涮鍋、和平飯店等50間餐廳的上市飲食集團敘福樓（1978）昨收市後公布中期報告，封面走極簡約風格，由主席黃傑龍手繪。
黃傑龍就此在Facebook發文指，「2018上年後幾年來我都好重視年報封面，會花唔少心機去思考個概念，然後請設計師設計出嚟。 今次慳返設計師的成本，我自己用手畫嘅，現在的經營環境節約成本很重要，應慳錢則慳，應用則用呀」
就住本港營商環境，身黃優質旅遊服務協會主席的黃傑龍近期多次明言港府應該盡早提出復常路線圖，坦指「香港唔係一個賭場，做生意係投資而非賭博，唔可以每日靠聽小道消息去為未來規劃，日日等唔知幾時政府先有一個公布才知道下一步怎樣做，好似賭場買咗大細之後等個莊開咁樣。 不確定性是做生意最大的敵人，錢同人才都會去風險最細回報最大嘅地方搵食。 香港曾經係一個商業天堂，但今天肯定不是。 我們已經比世界各地主要競爭對手遲咗最少大半年，要做到後發先至追番上去，一個清晰的藍圖絕對係最重要的第一步。」
截至今年六月底，敘福樓中期收入按年減少5.4%至4億元，股東應佔溢利更是下跌73.4%至680萬元，每股盈利減少至0.85仙，不派中期息，而去年派2.4仙。管理層指今年初第5波疫情驅使香港政府實施了嚴格堂食限制及社交距離措施，集團旗下的餐廳亦因為疫情嚴峻而短暫停業，令首季錄得經營虧損。
不過業務在次季迅速恢復，計及上半年的政府補助，不但抵銷了首季度的虧損，更成功造就本集團在二零二二年上半年整體錄得盈利。
