大家間唔中睇IG都會見到一啲有趣嘅市場調查，例如就業調查、薪酬統計、醫藥實驗等等，藉此廣告師想分享一個對我影響幾深遠嘅商業市場調查！
一間公司對其男士護膚用品進行市場調查，品牌部門一直以男士為目標顧客進行各種銷售及宣傳，但喺市場調查結果中發現，原來近六成嘅顧客都係女性，同當初計劃及預想有好大嘅出入。然後品牌再透過焦點小組(focus group) 進行深一步嘅了解，謎底終於解開……
原來當地男士並冇太強嘅護膚意識，即使有但亦佔少數，所以顧客（customer）通常係用家（consumer）嘅女朋友/老婆/家人，喺佢哋行街買嘢個陣順便幫佢哋嘅男人買埋。
了解市場同顧客後，品牌部門對銷售策略進行到系列嘅改動：例如訊息層面偏向家人/情侶、進行捆綁銷售如男士x女士/家庭裝等等從而令生意大增。
越能夠掌握市場資訊與了解顧客，越能夠從競爭中脫穎而出
呢份市場調查對我影響深遠，除咗令我分清楚顧客 (customer) 同用家 (consumer) 嘅分別，更令我明白做好生意或Marketing就要先了解市場環境再作判斷，減少超主觀嘅想法。
好多時我哋以為係啱或常識嘅嘢，可能市場調查出嚟嘅結果會嚇你一跳。做市場調查就係為咗更了解市場及顧客，所以市場調查公司無論自古到今一直屹立不倒，因為無論個市好定壞，大家都好需要佢哋去了解市場狀況同顧客行為。
【Finance730 專欄作家：廣告師 @hongkongad】
更多最新最熱最有用財經金融地產資訊 請即登記成為Finance730會員
歡迎讀者投稿，稿件請投至finance730hk@gmail.com
▼追蹤Finance730 動向 官方網頁
▼緊貼最新市場走勢
▼投資教室 專題研究
▼消閒生活 時尚品味
