根據《華爾街日報》（WSJ）報導，微軟、Google同OpenAI等公司逐漸開始將香港用戶拒之門外，香港用戶可能需要用VPN翻牆，先可以接觸到呢啲企業提供嘅所有資訊同服務。
雖然呢啲科技企業冇公開說明佢哋對香港用戶設限制嘅理由，但WSJ引述觀察人士指出，呢啲公司可能係擔心觸犯《港區國安法》。以ChatGPT為例，如果ChatGPT發佈咗違反國安法嘅內容，咁佢嘅開發者OpenAI可能就要承擔法律風險。目前香港同中國、朝鮮、敘利亞同伊朗一樣，被OpenAI列為服務受限嘅國家同地區之一。
除咗AI工具之外，就連迪士尼都過濾咗香港用戶睇到嘅影視內容，例如Disney+喺香港下架咗兩集《阿森一族》（The Simpsons），因為入面有提及中國嘅勞改營同六四事件。
WSJ報導又提到，香港美國商會嘅一項調查發現，只有38%嘅受訪者對香港喺未來三年內能夠繼續自由訪問互聯網保持樂觀或者非常樂觀嘅態度。
Google、OpenAI同微軟冇評論到點解限制香港用戶使用其服務，但表示佢哋努力緊，希望未來喺新嘅地方推出服務。
更多最新最熱最有用財經金融地產資訊 請即登記成為Finance730會員
歡迎讀者投稿，稿件請投至finance730hk@gmail.com
▼追蹤Finance730 動向 官方網頁
▼緊貼最新市場走勢
▼投資教室 專題研究
▼消閒生活 時尚品味
