律政司入稟高院就反修例歌曲《願榮光歸香港》申請禁制令，禁止公眾不得在任何平台傳播歌曲，法官日前將案押後至7.21審理。行會成員兼資深大律師湯家驊警告，一旦禁令獲批而Google拒絕將歌曲下架或構成藐視法庭，坊間有憂慮Google可能因而撤出香港，今集《股壇C見》請來香港資訊科技商會榮譽會長方保僑為大家分析事件。
方保僑指若禁制令獲批，「理想」的做法是Google自行將有關歌曲下架，惟若平台拒絕合作，執法部門就可能需要向互聯網供應商（ISP）要求封鎖有關連結，「聽落好似好簡單，實際上就唔係咁易…實行起上嚟可能係成個YouTube block咗佢，咁就好大件事喇！」他遂在節目中進一步拆解「封網」的可能性；而一旦香港被納入「牆內」，用VPN是否就能解決一切問題呢？
中原集團創辦人施永青指律政司在申請禁制令前「唔會冇諗過後果」，政府在政治立場上是準備為這件事付出代價，「而家有啲人話，哇你咁樣搞法，連Google都冇得睇喎，實際上係一種向大陸施壓嘅手段，但呢啲手段係唔會得到佢預期嘅效果。」施遂指《願榮光》是反對派的戰歌，反問「阿爾及利亞會唔會畀《馬賽曲》喺佢道播呢？」他強調港府是不會主動趕走Google，惟若有人覺得港府因為要維持Google在港營運而會作出政治讓步則是不可能。施永青坦言，在中美角力、兩極分化的大環境下，未來香港人要面對同類境況的事情會越來越多，但認為只是習慣的問題，「我識得有啲大陸朋友，又冇翻牆又冇盛，佢都可以過自己生活、做自己嘅生意…」
下一節會繼續討論中美關係最新發展，美國國務卿訪華背後有何意義？C基金投資總監李浩德會分析美聯儲議息結果以及近期股市「翻生」能走多遠，密切留意！
＊本節目內嘉賓的言論純屬個人意見並不代表本台立場＊
更多最新最熱最有用財經金融地產資訊 請即登記成為Finance730會員
歡迎讀者投稿，稿件請投至finance730hk@gmail.com
▼追蹤Finance730 動向 官方網頁
▼緊貼最新市場走勢
▼消閒生活 時尚品味
▼投資教室 專題研究
