最近睇YouTube時看到一個廣告，當時嘅我並唔係專心睇緊手機，但我聽到廣告「重複」播咗兩次…
我以為係YouTube發生問題，所以一探究竟，直接去品牌頻道睇下原片係點。
原來廣告片係刻意設計時輪迴效果!
可能你覺得只係一條普通10秒廣告片，但其實背後係結合咗兩班人嘅細心位。
今日客戶Deliveroo 想宣傳每日都有好多優惠&回贈俾用家:
- Creative: 加入「Loop」元素表達出優惠不斷，而且將影片設計成能夠呈現「Loop」的效果
- Media: 採用 YouTube Non-skippable video ad，由於聽眾不能Skip廣告，所以Secure 「Loop」的效果
而佢對手foodpanda 亦有一個好好嘅例子。
仲記唔記得 COVID 期間外國回港需要到酒店隔離多日嘅時期? 唔知大家有冇用過 pandamart呢?
foodpanda 能夠洞悉到對外賣生活百貨嘅大需求客戶，從而喺「對的地方」投放「對的廣告」
- Creative: 隔離期間可以使用 pandamart order 生活百貨，用6折優惠去吸新客
- Media: 將廣告落喺機場入境大廳，令落機入境嘅人硬食成個廣告，喺佢哋腦中植入「一陣隔離可以用 pandamart 睇下生活用品」
孤掌難鳴，要一拍即響就需要多方面緊密合作，缺少任何一邊嘅貢獻都未必能夠呈現到呢堆效果。
即使新外賣平台Keeta未有太多廣告，但佢先喺旺角進行流動車宣傳亦有其經營考量，如旺角多食店&人，需求及供應較穩定，比較適合成為 Keeta 於香港的落腳點。
一個 Online 10秒廣告，一個 Offline 機場廣告，其實背後有好多唔同嘅策略同諗法，希望透過少少文字，令大家可以從另一面去欣賞呢啲廣告。
一如廣告師宗旨，好嘅廣告與創作係值得俾更多嘅人睇到，嚟緊都會繼續分享更多唔同嘅香港廣告同 Campaign。
【Finance730 專欄作家：廣告師 @hongkongad】
鍾意睇廣告但去咗做Media Agency嘅𡃁仔。我會定期分享有關營銷、廣告、職場或相關嘅熱門話題，希望用輕鬆簡略嘅文字帶大家認識更多 Marketing 嘅世界。
更多最新最熱最有用財經金融地產資訊 請即登記成為Finance730會員
歡迎讀者投稿，稿件請投至finance730hk@gmail.com
▼追蹤Finance730 動向 官方網頁
▼緊貼最新市場走勢
▼投資教室 專題研究
▼消閒生活 時尚品味
