多年前喺Oxford讀書嘅時候，我屬於一間叫做Exeter嘅學院，college對我特別好，分派咗全學院入面最細嗰間宿舍房俾我。記得有一日，喺呢個咁狹小嘅房間入面，我瞓醒覺，突然間諗到，點解唔用骨髓移植呢個方法醫治愛滋病？
因為HIV病毒係感染淋巴白血球細胞，骨髓移植就係先用極高劑量的化療清除身體入面本身所有白血球細胞，然後再輸入新的幹細胞製造新的白血球。清除晒身體入面所有淋巴白血球細胞，咪就可以連帶HIV病毒都可以一併清除？結果到咗今時今日，全球已經有五個愛滋病患者骨髓移植治療後痊癒了。
免疫治療法 – 癌症病人的新希望
之後喺HKU讀PhD啲嘅時候，我同好多教授講用免疫治療方法醫治癌病，好值得研究，冇人理我。結果之後2018年諾貝爾醫學獎，就係由美國嘅James Allison同日本嘅Tasuku Honjo 兩位教授共同奪得，佢哋嘅研究就係抗腫瘤嘅免疫藥物Anti-CTLA4 同 Anti-PD1，革命性地改變了抗腫瘤藥物治療，一時間醫學界為之瘋狂，亦為全球癌病患者帶來了不少新希望。
呢啲免疫藥物亦都為藥廠帶來極豐厚嘅營業收入，以曾經全球最hit 嘅抗腫瘤免疫藥，美國藥廠Merck(MRK.US) 嘅Keytruda為例，一年營收可達50億美元，藥廠股價節節上升。隨後幾年，國內很多藥廠也投入抗腫瘤免疫藥物研發，很多已被國家食物及藥物安全局批准使用，藥廠嘅revenue亦大幅增長。
新興抗腫瘤藥物ADC
近年亦有另外一種好hit嘅抗腫瘤藥物， 叫做ADC（antibody-drug conjugate），簡單來講，隻藥係化療藥物及單克隆抗體的結合。單克隆抗體能夠識別癌細胞，把化療藥物精準地帶到癌細胞進行攻擊破壞，所以效果特別良好。
近年其中一隻全球銷售強勁嘅ADC藥物，係由英國藥廠Astra Zeneca（阿斯特捷利康）嘅同日本藥廠Daiichi Sankyo共同研發嘅 Enhertu，可以有效地用於乳癌，胃癌甚至其他癌病，按年銷售額達10億美元。國內很多藥廠，現在也投入研發ADC藥物，有不少係一啲叫做B仔嘅未有盈利的生物科技公司，由於極具概念性，不少研發ADC嘅B仔都被基金炒作，股價曾經一度升得很厲害，大家都認定ADC係腫瘤科藥物明日之星。
投資抗腫瘤藥研發藥廠股的要訣
值得一提，如果要投資這些研發抗腫瘤藥物嘅藥廠，想做價值投資嘅話，投資美國或外國嘅藥廠會比較好，因為外國嘅藥廠可以任意收取暴利，一個月藥費動輒數萬元，可以為公司帶來巨大的收入，公司股價似乎完全不受經濟週期影響年年上升。
但係如果投資港股就要小心，港股入面嘅主要係國內嘅藥廠，要知道國內藥廠嘅產品，如果要進醫保，係唔可以牟取暴利，所以佢哋嘅利潤比起外國嘅藥廠，完全唔係同一回事，即使有產品研發成功上市商業化，雖然可以為公司帶來利潤，但未必是如外國藥廠般可觀的利潤，加上競爭頗為激烈，市場亦主要局限於國內，所以投資這類公司股票時必需小心，特別要留意公司的估值及盈利增長。
【Finance730 專欄作家：PPLau】
英國牛津大學醫學科學碩士 , 曾於香港大學攻讀博士研究及深造衍生工具投資,美國麻省理工學院數碼貨幣深造證書, 由醫療專業晉升基金股票投資，特別研究醫療相關股票投資策略
更多PPLau專欄文章：
B仔醫療股有投資價值嗎？
何解港股醫療公司股價無法穿透週期？
更多最新最熱最有用財經金融地產資訊 請即登記成為Finance730會員
歡迎讀者投稿，稿件請投至finance730hk@gmail.com
▼追蹤Finance730 動向 官方網頁
▼緊貼最新市場走勢
▼投資教室 專題研究
▼消閒生活 時尚品味
