早排比亞迪（BYD）香港多間陳列室接連被刑事毀壞，雖然仲未知行動係針對品牌定涉及私人糾紛，但比亞迪都有唔少好消息，唔止連續四季打低Tesla，成為全球乘用電動車嘅銷量市佔率冠軍，仲被美國《時代雜誌》（TIME）選為「最具影響力的100間企業」之一！
根據Counterpoint Research發佈嘅《全球乘用電動車市場份額報告》，比亞迪喺2023年第一季嘅市佔率為21%，排名全球第一，而比亞迪最暢銷嘅車款宋、元Plus同秦，佔咗比亞迪季度電動車銷量嘅50%以上。
新能源車市場嘅競爭不嬲都好激烈，海外有Tesla同一眾歐洲車牌子，國內就有理想、蔚來、小鵬等車廠，所以就算比亞迪已經成為咗「世一」電動車品牌，都唔敢放慢腳步。目前比亞迪正積極開拓海外市場，例如進駐德國、法國、英國等歐洲國家，以及喺亞太地區同拉丁美洲發展業務。
Tesla今年Q1嘅市佔率為16%，雖然市場份額不敵比亞迪，但Tesla交付量突破歷史新高，銷量增長36%。Tesla Model Y同Model 3喺今年一月開始劈價，帶動Model Y銷量急升，擊敗傳統汽車，成為全球銷量最高嘅乘用車車款！
TIME：比亞迪係世界上最重要嘅汽車製造商
美國《時代雜誌》（TIME）最近公佈咗2023年度「最具影響力的100間企業」，比亞迪連續三年上榜，更被評為「大多數美國人未聽過嘅最重要汽車製造商」。
TIME指出，總部位於深圳嘅比亞迪可能會因為政治原因避開美國市場，但比亞迪佔咗中國呢個全球最大汽車市場39%嘅電動車及混能車銷量，而且喺全球53個國家同地區都有業務。呢間市值過千億美元嘅企業希望喺2023年成為全球最頂尖嘅電動車生產商，期望銷量達到370萬輛；相比之下，Tesla嘅預期銷量都只係200萬輛。TIME仲大讚比亞迪對綠色能源革命嘅貢獻：「有股神巴菲特嘅加持，比亞迪喺創辦人王傳福嘅帶領下，成為巴西、泰國等市場嘅綠色能源品牌領導者。」
更多最新最熱最有用財經金融地產資訊 請即登記成為Finance730會員
歡迎讀者投稿，稿件請投至finance730hk@gmail.com
▼追蹤Finance730 動向 官方網頁
▼緊貼最新市場走勢
▼投資教室 專題研究
▼消閒生活 時尚品味
