上個月有內地網民喺人民網嘅「領導留言板」留言，表示希望廣州積極爭取迪士尼樂園落戶。廣州市文化廣電旅遊局最近回應咗相關留言，表示正積極尋求同迪士尼等大型項目合作嘅機會。唔通中國真係會出現第三座迪士尼樂園？
網民：大灣區有能力起多一座迪士尼 可以同香港相呼應
睇返領導留言板嘅留言，發言嘅網民認為，廣州作為唔少網民心儀嘅「迪士尼熱門城市」之一，無論爭唔爭取到迪士尼花落廣州，都應該要有積極嘅態度，因為如果廣州真係興建迪士尼樂園，可以帶動到當地嘅交通、餐飲、酒店、娛樂等行業發展。
咁對於迪士尼嚟講，廣州有咩咁吸引呢？呢位熱心網民已經幫迪士尼同廣州市政府諗埋喇：「對於迪士尼來說，最重要的是經濟效益與品牌效應問題，而以粵港澳大灣區的經濟實力、人口規模、遊客體量、消費能力、市場接受等，足以支撐再建一座迪士尼樂園。同時與香港迪士尼樂園相呼應，形成雙子星座，更能使迪士尼樂園品牌更亮更響。」
可能係受到呢名網民嘅鼓舞同啟發，廣州市文化廣電旅遊局喺7月10日回應咗佢嘅留言：「目前我市正積極尋求與迪士尼等大型項目的合作機會以推動廣州旅遊發展，為廣州人民謀福祉。」
內地城市爭相興建迪士尼？可能係因為上海迪士尼太成功
其實喺廣州市回應之前，內地已經多次傳出「中國第三座迪士尼」即將落戶某某市嘅傳聞。據內地《時代周報》統計，淨係計今年5月16日至6月9日期間，呢座「唔存在嘅迪士尼」喺短短25日內，已經由成都搬咗去天津，再搬去武漢同青島，不過最後呢啲傳聞全部被官方或上海迪士尼否認。
事實上，內地民眾咁想中國起多一座迪士尼唔係冇原因嘅。根據中國旅遊研究院喺2021年發佈嘅報告，喺2016年6月至2019年6月期間，上海迪士尼樂園固定資產投資對上海全市GDP年均拉動0.13%，樂園消費對上海全市GDP年均拉動0.21%，樂園遊客在滬消費對全市旅遊產業收入年均貢獻4.09%。
除咗帶動GDP增長之外，樂園年均直接提供過萬個就業崗位；間接年均提供就業崗位超過6萬人次，其中樂園投資年均拉動新增就業2.78萬人次，樂園消費年均拉動新增就業3.28萬人次。
雖然內地網民非常期待中國再起多一座迪士尼樂園，但專家就冇咁樂觀喇。惠譽評級中國企業研究董事朱彧喺接受《澎湃新聞》訪問時指出，迪士尼樂園呢種規模嘅主題樂園，吸引嘅係全國遊客，而唔係區域性遊客，冇多地開園嘅必要性。另外，上海迪士尼正在擴建，北京環球影城亦研究緊建設二期同三期，都可以滿足需求。
有猛人講者 基金經理黃國英 公開最新第四季焦點板塊及投資策略📈
即刻報名💰可享早鳥優惠（HK$300）
仲可以同英Sir現場交流🗣
8月19日 英Sir駕到👉https://finance730.com.hk/shop/
更多最新最熱最有用財經金融地產資訊 請即登記成為Finance730會員
歡迎讀者投稿，稿件請投至finance730hk@gmail.com
▼追蹤Finance730 動向 官方網頁
▼緊貼最新市場走勢
▼投資教室 專題研究
▼消閒生活 時尚品味
