警方聯同證監會尋日（19日）就JPEX案召開記者會，月入近16萬嘅商罪科高級警司孔慶勳喺席間特別提到「投資者將加密貨幣私鑰交出嚟畀平台保管，變相係將自己嘅財產放喺人哋嘅夾萬。」事實上，中心化交易所嘅錢包本來就同冷錢包(Cold Wallet)有好大分別，難怪JPEX深夜發聲明回應記者會時都特別捉住Madam呢個指控反擊，似乎想寸對方「唔識嘢」。官方成日強調投資者教育嘅重要性，但香港要大力推動同規管Web3嘅同時，執法部門似乎都應該先上一課…
Crypto 101：什麼是私鑰？
私鑰係提取資產同進行交易嘅關鍵，擁有私鑰就可以控制對應加密錢包內嘅所有資產。假如唔小心遺失咗私鑰，咁持有人可能永遠搵唔返私鑰所保護嘅資產。如果持有人將私鑰分享畀其他人，咁就唔係將錢放喺人哋個夾萬咁簡單，而係將自己嘅夾萬連錢都一齊拱手相讓。
中心化交易所（CEX）錢包嘅本質其實就係一個連接到網絡嘅熱錢包，優點係夠方便，無論係轉賬、入金、提現定交易都可以快速完成。但將資產放喺交易所嘅弊端係用戶無法導出私鑰，帳戶錢包嘅私鑰係由交易所管理，亦即係用戶無法真正控制自己「擁有」嘅加密貨幣，幣圈成日講嘅「Not your keys, not your coins. (不是你的鑰匙，不是你的幣。)」就係咁解。
假如投資者一開始已經係喺CEX交易同買幣，期間又冇將資產提現至冷錢包，咁就唔會有機會接觸到私鑰，亦唔存在所謂嘅「將私鑰交畀交易所」，因為由開戶嗰一刻開始，用戶開設嘅錢包私鑰已經係由交易所掌握。
JPEX就喺公告中反駁警方嘅指控：「發言人又指出平台私自保管客戶私鑰。我們深信，發言人已混淆中心化交易所與錢包的差別。大眾所熟知較知名的交易所，如幣安Binance、COINBASE、Bybit等，所有中心化交易所全部都是由平台保管所有客戶私鑰，除方便用戶外，亦會向使用者提供更專業的保安方式，以保障用戶的資產安全。」
想自己保管私鑰可以點部署？
中心化交易所並非完全無可替代，如果投資者想以更穩妥嘅方式管理自己嘅加密貨幣資產，其實可以改用冷錢包保管資產，以及通過去中心化交易所（DEX）進行交易，咁就可以減低因交易所出現問題而招致損失嘅風險。
不過單睇數據就知道大部份嘅加密貨幣投資者都傾向經CEX交易。根據加密貨幣市場數據追蹤網站CoinGecko發佈嘅《2023年第二季加密貨幣產業報告》，2023年Q2十大去中心化交易所嘅現貨交易量總計1,550億美元，而十大中心化交易所嘅現貨交易量則高達1.42兆美元。
畢竟同DEX相比，CEX嘅服務更全面，通常一個app已經集齊交易、理財、挖礦等多個功能，更能吸引新手同頻繁交易嘅投資者使用，所以即使風險較高，CEX依然深受投資者歡迎。高級警司嘅諗法很美好，但結合現實情況，多數投資者應該都好難完全同CEX割蓆。
更多JPEX案相關報導
JPEX案‧懶人包︱10億加密貨幣騙局 關聯名人、公司逐個爆（持續更新）
JPEX案‧首日｜JPEX再遭證監轟可疑 即晚限制出金 KOL偃旗息鼓
JPEX案‧刑責︱林作等人被捕 律師盤點網紅、藝人、合伙人的刑事責任
JPEX案‧索償｜律師評JPEX苦主索償4大方向：交易所、KOL、合伙人、OTC
JPEX案‧拆局｜專家：盛事前證監洗太平地 台灣反應超越香港
更多最新最熱最有用財經金融地產資訊 請即登記成為Finance730會員
歡迎讀者投稿，稿件請投至finance730hk@gmail.com
▼追蹤Finance730 動向 官方網頁
▼緊貼最新市場走勢
▼投資教室 專題研究
▼消閒生活 時尚品味
