「記住，出嚟行切忌貪果盤！」曾志偉20年前喺《龍咁威》教精人類千祈咪忘記初心，唔好繩頭小利沖昏頭腦。咁做投資銀行梗係想賺大錢，可惜花旗銀行有分析師畀100歐元（約825港元）唔夠嘅出差膳食津貼蒙閉雙眼，將同行非花旗員工餐飲開支一齊Claim，最後連份工都冇埋。
花旗銀行分析師「呃津貼」被炒魷魚事件一度成為金融時報網上版最熱門報導，反映全球人類都熱切地食緊呢粒花生。報導就指前花旗高級分析師Szabolcs Fekete喺2015年入職花旗銀行，舊年被派去荷蘭往阿姆斯特丹出差3日，佢就搵埋並非係花旗銀行任職嘅伴侶一齊出發。
七月份Fekete交Claim Form，話每日報銷金額符合公司100歐元限制之內，點知佢高級經理就落閘，話張單上邊食物係二人份量，而公司就只係派一人出發。不忿嘅Fekete初時就覆返Email堅持啲食物「全部都係我嘅」
「點解張單有兩份三文治、兩杯咖啡之外，仲有杯野飲……你一個人食晒？」「無錯，係我……果日我無食早餐，晏就咪響餐廳食咗份三文治，飲咗杯野飲同咖啡，之後淨返杯咖啡同三明治我打包返去做晚餐」，攬晒啲食物上身之餘再強調張單無超過100歐元上限，以電郵反問返高級經理「又無爆Quota，你擔憂啲咩呢？我覺得我無需要解釋我飲食習慣囉~」。
於是乎對家就決定篤上公司「道德辦公室」（Ethics Office），指派一名內部調查員係8月再質問Fekete。初時Fekete都仲死雞撐飯蓋，但不認不認還須認，去到8月底佢終於講出事實嘅真相：有啲食物係佢伴侶食。
去年舊年10月，花旗內部調查定性呢單野違反了公司費用管理政策，而Fekete係內部調查中講大話，於是乎經過紀律聽證會後，花旗係11月以嚴重失職做理由炒佢炒魷魚。
食咗無情雞嘅Fekete唔忿氣，係英國倫敦僱傭法庭上告花旗解雇佢係唔公平而且錯誤，但被法店駁回案件，話單案核心唔係金額多與小，而係Fekete響一間全球性金融機構中擔任呢啲職位必需誠實。就算Claim Form填錯資料，當事人都有責任在第一時間澄清並糾正情況。
更多投資銀行相關資訊
更多最新最熱最有用財經金融地產資訊 請即登記成為Finance730會員
歡迎讀者投稿，稿件請投至finance730hk@gmail.com
▼追蹤Finance730 動向 官方網頁
▼緊貼最新市場走勢
▼投資教室 專題研究
▼消閒生活 時尚品味
