【社交媒體】自製網絡熱度。全球有2億人課金睇Netflix撐正版，但隔離社交平台TikTok嘅 #movieclips卻用由古至今嘅大量盜版電影吸納咗2,000億人次觀影，種類之多、年份之廣勁到連美國排第二嘅荷里活片商都採取「益盜版不如自製網絡熱度」，發佈高清原片益街坊。
Paramount月初將「辣妹過招」原片剪成23段發佈到TikTok
10月初，擁有鐵達尼號、變型金剛等版權嘅柏拉蒙影廠（Paramount Pictures，PARA）將廿年前嘅校園喜劇電影「辣妹過招」（Mean Girls）嘅高清原片發佈到TikTok，一夜贏得過百萬讚好。
受限於TikTok短片限制，柏拉蒙將呢套總長97分鐘嘅電影快刀斬成23段短片，每段得返60秒至10分鐘，但都無阻網民追睇，累積超過5百萬點撃。雖然影片喺1日後就下架，但柏拉蒙自揭上載電影嘅原因，原來係為咗向新一代Gen Z推廣經典電影。原本「辣妹過招」只可以喺柏拉蒙自家串流或YouTube廣告平台收睇，但評論分析今次事件代表正版串流同盜版嘅「貓捉老鼠」鬥爭將會落幕，特別係涉及舊戲，電影大廠更願意向盜版世界妥協，甚至主動參與，自製網絡熱度。
「戀愛島」製作方TikTok上測試熱度
向TikTok投降嘅，仲有製作求愛真人騷「戀愛島」（Love Island）嘅NBC電視公司。今年八月，公司突然喺TikTok上載一集「戀愛島」（原本僅供Netflix用戶觀看），仲搶先發佈最新喜劇Killing It嘅試播集，實測觀眾反應同熱度。
電影業對TikTok免費播放的反應
一眾免費睇戲食花生嘅網民當然高興，但唔滿意嘅大有人在——電影圈嘅幕後人員認為影廠「將電影切件仲要免費播放」，係非常唔尊重電影人。另一灰色地帶則牽涉分紅：如果正版電影Post出TikTok後賺到平台收益，邊個先至有份袋？爭議事後，柏拉蒙影廠表示所有製作或出演「辣妹過招」嘅人員都可共享TikTok分成，NBC公司則未有回應。
有網民表示，自己曾用TikTok發掘好戲，有時睇咗幾分鐘就會轉移到其他平台收睇，支持正版。但亦有人懶到索性等TikTok演算法派下段影片，導致需時幾日先追完一套完整電影，劇情次序仲要錯埋。
原來，上載盜版戲嘅用家成日會對原版戲「做手腳」避過版權審查，例如較快兩倍速、令演員聲音變到花音鼠咁、改變畫面色調，放大縮細等等，令演算法分唔清前文後理，副作用係觀眾要順序播放成套盜版都唔容易。
如果今次主流電影大廠發現上正版載短片利大於敝，第時Facebook Instagram嘅Reels同Youtube嘅Shorts係咪都應該會大把正版電影睇呢？
更多電影行業資訊
新春上網煲正版電影選擇多 港產內容平台馬死落地行（Barry炒股成長日記）
Barbie電影彩蛋｜初代Barbie升值近萬倍 瑪莎拉蒂曾推出Barbie版SUV
電影業遭重挫 美亞轉戰Youtube 陳年港產片吸逾23萬追隨者
更多最新最熱最有用財經金融地產資訊 請即登記成為Finance730會員
歡迎讀者投稿，稿件請投至finance730hk@gmail.com
▼追蹤Finance730 動向 官方網頁
▼緊貼最新市場走勢
▼投資教室 專題研究
▼消閒生活 時尚品味
