啟鑽苑一班戶主終於都可以收鎖匙啦！不過其實收樓之後都要清清楚楚咁驗收個居屋單位㗎，只不過網上有大量零散資料，到底應該以邊個為準呀…
所以，今日裝修佬決定為大家好好整合曬所有驗樓必知資訊，咁就唔會怕收樓後新屋有咩問題啦～
居屋驗樓內容 通通話你知！
收樓時普遍都會有機會遇上最常見的瑕疵問題，文末更有一份超詳細驗樓清單，業主當日就可自己照著清單檢查單位，加快執修進度，更早入伙！
超詳盡驗樓清單｜來去水接駁位置是否沒有出現漏水情況？
檢查出水主要係睇各個水喉嘅水龍頭是否有水，是否出水順暢。驗收排水嘅位置主要係洗手盆、馬桶、浴缸、廚房、露台地漏等，如果正常狀態會聽到咕嚕嚕嘅聲音同表面無積水，盡可能令水流大、急，再睇水壓大細，試排水速度。
超詳盡驗樓清單｜電位插蘇接駁安裝順利？
檢查每個電燈開關同電源插座是否可以正常使用，帶個手機充電器或電筆插上就可檢驗電源插座是否通電。例如廁所嘅電源插座要用防潮插座同有防濺措施，廁所嘅照明燈座必須係安全燈座，洗手盆嘅上方唔應該有插座。
超詳盡驗樓清單｜廚廁磚是否有任何空鼓、漏水或結構問題？
牆地磚顏色問題，一般目測便可發現，一般來講用錘仔敲地磚同牆磚，如果有回聲，同其他鋪瓷磚嘅聲唔同，代表瓷磚無鋪好，時間耐咗可能會出現瓷磚裂開同脫落。空鼓率超過5%為唔合格。
超詳盡驗樓清單｜油漆批灰塗佈得均勻細緻？
特別係廁所天花板，廁所嘅防水層無做好，最令人頭疼嘅就係樓上污水滴落來，唔單止腐蝕牆面、滲水，麻煩事就多啦。
超詳盡驗樓清單｜所有櫃門、房門和鋁窗手較開關是否順暢？
嚴格嚟講，門嘅空隙唔可以太大，開關門有無特別聲音，門嘅四邊要緊貼門框，門鎖嘅一邊空隙唔可以太大，門嘅隔音同密封程度要好，最重要嘅一樣係記得換鎖。
係門窗檢查方面，最主要嘅就係檢查門窗條軌是否順暢。另外要檢查門窗玻璃有無破損、窗框有無變形、窗嘅強度功能，門窗推拉是否順滑，表面是否平整光潔。五金配件必須齊全，位置要正確，穩陣。門窗關閉時扇同框，門扇同門扇直接無明顯空隙，密封條唔鬆動，唔脫落，唔外露。門窗框、扇是否垂直，唔可以彎曲。玻璃無污染，無破損，夾分隔條均勻。
超詳盡驗樓清單｜所有鋪磚工程是否沒有高低不平？
想知地面是否平整，需要用水平尺，靠牆面地面，檢查是否平整，同時觀察有無劃痕裂紋，牆面有無石灰爆點，爆點即係生石灰係發成熟石灰時因攪拌唔均勻未發好，抹係牆上就會形成爆點，用硬物敲打爆點就會發現大面積嘅疏鬆、脫落等質量問題。
超詳盡驗樓清單｜空氣質素檢測是否合格？
別以為「眼不見為淨」，因肉眼看不見的微小生物和空氣質素隨時對身體有害！為了保護自己及家人，收樓時最好進行空氣檢測，以防塵蟎和甲醛超標危害健康。
檢測結果建議需達至優秀或良好水平！
超詳盡驗樓清單｜窗邊牆身含水率正常？
驗樓前最好進行試漏測試。檢查結果低於30% 屬合格水平。
驗樓工具 通通話你知！
- 金屬棒：輕敲牆身可以檢測到隱藏批盪、牆身滲水問題
- 電筒：檢驗玻璃，或在光線較暗的位置提供照明
- 附通電顯示燈的電插頭：測試電掣是否能正常操作
- 空氣檢測儀: 測試空氣中 PM 及甲荃濃度
- 濕度測試儀: 測試牆身含水率
- 紙巾: 測試來去水接駁位
- 平水尺: 測試地台及窗戶的平整度
- 驗樓報告書: 記錄檢測結果
Finance730專欄作家、互聯網裝修業平台裝修佬（授權轉載｜原文鏈結）
更多驗樓相關資訊
更多最新最熱最有用財經金融地產資訊 請即登記成為Finance730會員
歡迎讀者投稿，稿件請投至finance730hk@gmail.com
▼追蹤Finance730 動向 官方網頁
▼緊貼最新市場走勢
▼投資教室 專題研究
▼消閒生活 時尚品味
