2023年已過一半，港股維持「有波幅、無升幅」格局，恒指上周一度失守萬九點大關後，上周五曾單日反彈逾4%，本周徘徊在萬九點以上水平。一項券商調查指七成散戶相信恒指年內重返2萬點以上，當中三成人更樂觀地認為恒指有可能重上22,000點以上，這類調查的結果是否值得參考呢？
中原集團創辦人施永青笑言「呢啲調查可以等你了解吓一般市民嘅想法，但係一般市民喺投資上多數都係吃虧嘅…通常敢於反潮流，有特別睇法先有機會喺市場搵到錢嘅，我就唔係好信呢啲！」
蘋果本周發布一款全新的MR頭戴式裝置Vision Pro，十年磨一劍的產品功能當然令人驚喜，惟售價高達3,499美元亦令市場譁然，AAPL股價亦隨之回軟。C基金投資總監李浩德分析指，頭戴式裝置不算十分創新，Google及SONY早已推出過類似的VR眼鏡，用作打機和娛樂，相信蘋果出品亦離不開這些用途。他指現時一部iPhone都要1萬港元左右才買得到，Vision Pro索價約2.7萬港元也不算特別貴，「問題係iPhone你會日日用，呢個眼鏡娛樂性質多啲，所以銷售比例一定唔會好似iPhone咁高。」他指蘋果向來主力發展自家生態圈，能否憑新產品「食糊」長遠要看硬件推出後有否實際應用配合。
面對西方圍堵，中國製造業嚴重受壓迫，蘋果早前亦要將部份生產線調到東南亞其他地方，中國經濟還有甚麼隱憂？立即睇片聽施生分析！
＊本節目內嘉賓的言論純屬個人意見並不代表本台立場＊
更多最新最熱最有用財經金融地產資訊 請即登記成為Finance730會員
歡迎讀者投稿，稿件請投至finance730hk@gmail.com
▼追蹤Finance730 動向 官方網頁
▼緊貼最新市場走勢
▼消閒生活 時尚品味
▼投資教室 專題研究
