加密貨幣市場今年6月因LUNA幣爆煲而全面急挫，兩大龍頭比特幣及以太幣分別一度跌至不足18,000美元及900美元後反彈，其中以太幣一度抽升至2,000美元以上，低位計升幅高達一倍。資深加密貨幣投資者及UDomain創辦人章濤指，近期以太幣升幅跑贏大市，與談論已久的「以太坊2.0」升級終於在下月15日成事有關，他在今節《股壇C見》用深入淺出的方法解釋今次以太坊合併（The Merge）的原理。
以太坊交易費（Gas Fee）高昂的問題一直為人詬病，當網絡擠塞時單一交易成本可高達逾百美元，章濤以過海隧道作比喻「平時過海係畀20蚊，有個土豪話趕時擺低100蚊甚至1000蚊想過先，喺以太坊上面係可以嘅，結果只肯畀20蚊嗰啲就永遠都過唔到。」他指以太坊2.0升級正是想解決有關問題，惟當中牽涉由PoW（Proof of Work）轉變成PoS（Proof of Stake）獎賞機制，影響「礦工」利益，而以太坊目前已存放著相當規模資產，方令升級一再延期，坦言「其實穩陣啲都係好事」。
在幣圈打滾多年，經歷過至少三次熊市，章濤對今次大跌市處之泰然，「以前好多朋友關心我，點呀？仲未死呀？今次唔係，今次佢哋關心自己…」問到熊市何時完結？他表明「應該仲有排捱，我諗仲要至少一年半…」
更多最新最熱最有用財經金融地產資訊 請即登記成為Finance730會員
歡迎讀者投稿，稿件請投至finance730hk@gmail.com
▼追蹤Finance730 動向 官方網頁
▼緊貼最新市場走勢
▼消閒生活 時尚品味
▼投資教室 專題研究
