有份做本港隔離酒店生意的老闆近日同商飛人透露，政府已跟酒店簽訂11月至明年2月隔離酒店服務協議，當中政府修改終止服務合約通知期由以往30日前通知，大幅斬半至14日前通知就okay。該老闆認為，縮短通知期意味入境隔離政策隨時被嗌停，「政府變相搵啲酒店做後備」。
不過，縮短通知期對酒店而言不是好事，「你一話唔做，我得14日時間轉返做普通酒店」。即使如此，該老闆話新合約「焗住都要簽」，因為內地一日唔通關，本港旅遊業繼續一池死水，普通酒店依然冇運行，反而香港keep住入境要隔離，酒店先keep住有生意做，何其諷刺。
過往本港需要7日酒店隔離，該老闆形容「生意好到爆棚」，宜家變「3+4」(「3+4」係乜唔需要再多解釋啦），一線酒店生意受影響較大。「以前啲（隔離）酒店爭崩頭，貴嘅都焗住要book，宜家房間多咗，選擇多咗就唔洗揀住咁貴啦」。老闆旗下酒店屬4星，目前入住率仍能維持七、八成。
睇返數據，「3+4」實施後，每日入境香港人次曾一度增至過萬，不過近日又「打回原形」回落至「3+4」前約6,000至8,000水平，似乎今輪放寬未必如政府所預期，真係便利到商務旅客，商飛人身邊有同事星港兩邊走，都呻香港仲要隔離3日好麻煩。看來若要做到港府所言「考慮到香港作為國際金融及商業中心的地位，包括各種商務行程及經濟活動需要與世界各地連通」，「真．通關」刻不容緩。
更多最新最熱最有用財經金融地產資訊 請即登記成為Finance730會員
歡迎讀者投稿，稿件請投至finance730hk@gmail.com
▼追蹤Finance730 動向 官方網頁
▼緊貼最新市場走勢
▼消閒生活 時尚品味
▼投資教室 專題研究
