Happy New Year！Finance730最新一集《邊個夠你葳》第二節繼續在中環米芝蓮星級餐廳A Lux錄影，今集嘉賓包括會德豐地產常務董事黃光耀、中播控股（471）主席黃秋智、時昌迷你倉創辦人時景恒、石壁投資管理投資總監區偉志以及GOGOX（2246）行政總裁林凱源。上一節討論過樓市股市，多位生意人同場今節當然要談談全球營商環境。
經歷3年疫情，各行各業都大受打擊，若在內地有業務近一年更是噩夢。「明明有十個司機服務緊個區，一係個倉(因封城)閂咗唔開，一係班司機病咗唔開得工；上晝話開，下晝又唔准開？」林凱源笑言問題層出不窮根本解決不了，因為無人有答案。
公司從事衛星技術的黃秋智認為隨住中美關係緩和，加上開關後內地經濟會慢慢好轉。對於美國為抗衡中國開始迫使生產商改於印度設廠，他認為中國的優勢已建立多年，生產成本低廉，世界工廠地位難以被取代，「中國今時今日做到呢啲嘢唔係兩年嘅事，係二三十年嘅事，你覺得印度未來五年十年係咪做到？呢個世界有競爭㗎嘛，點解Elon Musk咁巴閉都要嚟中國呀？」
近期香港人才流失嚴重，對手新加坡更積極搶企業，本地唯一紙包飲品盒回收廠Mil Mill面臨逼遷便隨即獲星政府誠意招手，近日更獲銀行資助在當地設廠。「絕對冇surprise，你唔係唔expect佢咁做下話？你歡唔歡迎呢間回收廠喺香港做都好，佢都會撬佢過去㗎，仲要你唔歡迎佢就撬硬啦！喺東南亞做生意嘅人都知新加坡係咁…」早年曾在新加坡發展的林凱源說道。時景恒認同並指香港政府處事太官僚窒礙營商，並細說了一件往事…
特別鳴謝 場地提供：A Lux 中環都爹利街13號樂成行地庫M2號舖
清酒贊助：Sake Moment 尖沙咀K11 MUSEA地庫2樓B201-15&16號店舖
＊本節目內嘉賓的言論純屬個人意見並不代表本台立場＊
更多最新最熱最有用財經金融地產資訊 請即登記成為Finance730會員
歡迎讀者投稿，稿件請投至finance730hk@gmail.com
▼追蹤Finance730 動向 官方網頁
▼緊貼最新市場走勢
▼消閒生活 時尚品味
▼投資教室 專題研究
